Alarma egoeran jarritako 117 isunen zenbatekoa itzuliko du Nafarroak
Covid-19aren ondorioz ezarritako alarma-egoeran jarritako 117 isunen zenbatekoa itzultzea erabaki du Nafarroako Gobernuak. Zigorrak 300 eurotik 800 eurora bitartekoak dira.
Zehapenak irailaren 20an eta 23an Nafarroako Aldizkari Ofizialean argitaratutako bi ebazpenen bidez baliogabetu dira.
Konstituzio Auzitegiaren Osoko Bilkurak partzialki onartu zuen Diputatuen Kongresuko Vox talde parlamentarioko 50 diputatuk baino gehiagok jarritako konstituziokontrakotasun-errekurtsoa. Diputatu horiek urriaren 25eko 926/2020 Errege Dekretuaren hainbat agindu salatu zituzten. Dekretu horren bitartez, bigarren alarma-egoera deklaratu zen.
Dekretu horrek eskuordetutako agintaritza eskudunaren izaera ematen zion autonomia-erkidegoetako presidentea zenari.
Nafarroan, Foru Komunitateko presidentearen zenbait foru dekretu onartu ziren, covid-19a ez hedatzeko prebentzio-neurriak ezartzen zituztenak.
Bigarren alarma-egoeraren indarraldian, 2020ko urriaren 26tik 2021eko maiatzaren 9ra, egindako salaketen ondorioz, hainbat zehapen-espediente bideratu ziren.
Espedienteak izapidetze-fase desberdinetan daudenez, Konstituzio Auzitegiaren epai bat argitaratu zen 2021eko azaroaren 25eko Estatuko Aldizkari Ofizialean. Epai horrek partzialki onartu zuen konstituzio-kontrakotasuneko errekurtsoa, Errege Dekretuaren zenbait aginduri dagokienez.
Horren ondorioz, Nafarroako Gobernuak ebatzi du isunetatik kobratutako dirua itzultzea, guztira 37.402 euro.
Isunak 330 izan ziren; horietatik 213 oraindik izapidetzen ari ziren, eta orain artxibatu egingo dira. Gainerako 117 ordainketak berehala ordaintzeko formularen bidez egin ziren, % 50eko deskontuarekin, eta itzuli egingo dira.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.