Eduki pornografikoa duten whatsapp taldeen inguruko salaketa Donostiako ikastetxe gehiagotara zabaldu da
Eduki pornografikoa duten whatsapp taldeak gutxienez Donostiako bost ikastetxetako ikasleen artean zabaldu dira: Aldapeta Maria ikastetxea, Zurriola ikastola, ikastetxe alemana, Jesuitak Donostia eta Luberri.
Azken asteetan bi whatsapp taldetan parte hartzeko gonbidapena jasotzen ari dira ikasleak. Izenetik bertatik jendea gehitzera gonbidatzen duten taldeak dira. "Sartu dezagun jendea ezagun egin arte" izena du batak, eta "sartu dezagun jendea milioi batera iritsi arte" besteak. Bigarren hori da, hain zuzen ere, polemika gehien eragin duena.
Oraingoz, Donostiako Aldapeta ikastetxeak eta ikastetxe alemanak salaketa bana aurkeztu dute Ertzaintzaren aurrean, eduki pornografikoa duten adin txikikoen whatsapp taldeen harira. Gainera, Jesuitak Donostia ikastetxeko guraso batzordeko presidenteak salaketa jarri du bere izenean.
Atzo zabaldu zen albistea, Donostiako Aldapeta Maria ikastetxeak ohartarazi zuenean DBHko ikasleak "whatsapp talde batean parte hartzeko gonbidapena" jasotzen ari zirela. Talde horren edukia "oso desatsegina eta desegokia da adin horretako gazteentzat", eta gertatutakoa Ertzaintzan salatzeko eskatu zien adingabeen gurasoei. Eskola horretako zuzendari den Jose Eizmendik gaur adierazi duenez, neurri kolektiboak aztertzen ari dira eduki pornografikoak dituen "whatsapp talde batean parte hartzeko gonbidapena" jaso duten ikasleen familiei salaketa jartzen laguntzeko.
Bestalde, Zurriola ikastolak ere oharra bidali die Bigarren Hezkuntzako familiei "Sartu dezagun jendea milioi batera iritsi arte" whatsapp taldean bertako ikasleak daudela ohartaraziz. "Talde horretan sexuarekin loturiko irudi desegokiak partekatu dituzte, besteak beste. Jakin badakigu ere irudi horietako asko borratuta daudela dagoeneko", dio testuak.
Ikastolak azpimarratu duenez, ikasturtea abiatu denetik behin baino gehiagotan esku hartu behar izan dute ikasle eta familia jakin batzuekin, "irudien erabilera desegokia eta sexuarekin loturiko edukiak" direla medio. Hori guztia dela eta, etxean gazteen eskuko telefonoen eta sare sozialen kontrola eramateko gomendatu die familiei.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.