2024ko Herri Urrats "Ortzadarra" lelopean egingo da maiatzaren 12an
Iazko euriteen eta uholdeen ondotik, "Ortzadarra" lelopean egingo da 2024ko Herri Urrats (Iparraldeko ikastolen aldeko jaia), maiatzaren 12an Senpereko lakuan. Neomak taldeak egingo du aurtengo abestia eta bildutako dirua Beskoitzeko ikastola berria eraikitzeko izango da. Horrez gain, lehen aldiz, maketa lehiaketa antolatuko dute.
Herri Urrats 2024 aurkezteko prentsaurrekoa eskaini dute gaur goizean Baionan, eta hitzordua baliatu dute iaz jasotako "elkartasun uholdea" eskertzeko. Azaldu dutenez, ohiko Herri Urrats batean baino diru dezente gehiago bildu baitzuten. Uholdeen ondorioz, jaia Araba eremura mugatu eta programazioa murriztu behar izan zituzten.
Neomak taldeak egingo duen abestia martxoan aurkeztuko dute.
Aurten, lehendabizikoz, maketa lehiaketa bat egingo dute eta irabazleak Herri Urratsen joko du. Parte-hartzeko epea abenduaren 3an amaituko da.
Beskoitzeko ikastolari lotuta, iragarri dute Jean-Rene Etchegarayk herriko etxearekin bitartekari lanak egingo dituela egitasmoa aurrera eraman ahal izateko. Izan ere, udala eraikuntza baimena eskuratzeko trabak jartzen ari da. Hain zuzen ere, Beskoitzeko ikastolarentzat izango da 2024ko Iparraldeko ikastolen aldeko jaian bildutako dirua.
Halaber, Senpereko kolegioaren harira ere tira birak izaten ari direla azpimarratu dute, Prefetak, Frantziako Gobernuko ordezkariak, Seaska lurrak erostera behartu nahi baitu. Iazko jaia Senpereko kolegioa finantzatzeko izan zen.
Albiste gehiago gizartea
Bederatzi pertsona zauritu dira auto batek harrapatuta, Galdakaon
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Juan jaietan. Dirudienez, ibilgailua kontrola galdu du biribilgune batean derrapatu ondoren, eta hesiaren atzean zeuden ikusleak aurretik eraman ditu.
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.