EBk gaur jarraituko du adimen artifizialaren legearen inguruko negoziazioekin, akordiotik gertuago
Europar Batasuneko Kontseiluak, Europako Parlamentuak eta Europako Batzordeak aurrera egin dute adimen artifizialaren legea adosteko negoziazioetan. Gaur, ostirala, negoziazioei ekin diete berriro 09:00etan, 22 orduko elkarrizketen ondoren.
EFE agentziak aipatutako iturrien arabera, EBko erakundeek aurreakordioa lortu dute ChatGPT eta antzeko sistemen oinarri diren fundazio-ereduak arautzeko arauei buruz.
Thierry Breton Barne Merkatuko komisarioak X sare sozialean iragarri duenez, "aurrerapen asko lortu dira azken 22 orduan", eta Brando Benifei sozialdemokratak esan du "eskakizun handiko maratoia" izan dela.
Hasiera batean, ez zen aurreikusten legeak adimen artifizial sortzaileak oinarri dituen ereduak arautzea. Orduan, 2021eko apirilean, OpenAI enpresaren ChatGPT sistema artean sortu gabe zegoen.
Ordutik, EBk horiek sartzeko modua bilatu du, eta hori izan da bere erakundeen arteko tirabiren puntu nagusietako bat.
Enpresek jardunbide egokien borondatezko kode batekin konpromisoa hartzea nahi zuten estatuek, fundazio-ereduak pertsonentzat arriskutsuak ez direla bermatzeko eta ziurtatzeko adimen artifiziala entrenatzeko erabiltzen diren datuek ez dutela bereizkeriarik egiten sexu, arraza edo erlijio arrazoiengatik.
Europako Parlamentuak, aldiz, enpresak behartu nahi zituen sistemak seguruak direla egiaztatzera, arrisku-testuinguruetan erabili aurretik, osasunean, justizian eta lan esparruan, esaterako.
Negoziazioetan tirabirak eragin dituen beste puntu nagusia araudiko salbuespenak dira. Gobernuek espazio publikoetan zaintza biometrikoa denbora errealean ahalbidetu nahi dute, delituak saihesteko, eta Europako Parlamentuak, berriz, oinarrizko eskubideen kontra doala uste du.
Zure interesekoa izan daiteke
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.