Larunbat gauerdian zabalduko dute atzera A-15eko Oindolarko tunela, otsailetik itxita egon dena
A-15 errepideko tunelen birgaitze integralak fase berri bati ekingo diote Oindolarko tunelaren irekitzearekin bat. Izan ere, larunbat honetako gauerditik aurrera, otsailetik itxita egon den tunel hori zabaldu egingo dute berriz, bi noranzkoetan, eta, beraz, errepidearen Gipuzkoako zatiko tunelen birgaitze integralaren eta hobekuntzaren planaren erdia beteta geldituko da, zortzi tuneletatik lau birgaituta.
Datozen orduetan, Bide Azpiegituretako Departamentuak irekiera prestatzeko lanak egingo ditu, eta, horretarako, ezinbestekoa izango da zirkulazioa etetea A-15 errepidearen zati horretan. Mozketa larunbateko 05:00etatik 24:00etara egingo da, Andoaingo Sorabillako lotunetik eta Berastegiko lotunetik hasita, bi noranzkoetan. Itxiera hori beharrezkoa da, halaber, obraren hasieran jarritako bypasseko euste-hesiak eta seinaleak kentzeko.
Hilabete hauetan, estalkiak eta egiturak indartu dira, eta drainatze-sistemak, isurketen eta suteen kontrolerako sistemak berritu dira, bai eta aireztapen- eta komunikazio-sistema berriak eta LED bidezko argiztapen-sistema eraginkorra instalatu ere. Horri esker, argien energia-kontsumoa % 40 murriztuko da.
Oindolarrekoarekin batera martxan jarri ziren Gorosmendiko tunelaren lanak udaberrian bukatzea espero du Gipuzkoako Foru Aldundiak. Ordura arte, bypassa mantenduko da. Era berean, lanek irauten duten bitartean, debekatuta egongo da 3 metro baino gehiagoko zabalera eta 4,5 metro baino gehiagoko altuera duten ibilgailuak bertatik igarotzea, bai eta salgai arriskutsuak dituzten ibilgailuak ere.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.