Gasteizko Udaltzaingoak Jundizko istripuaren nondik norakoak ikertzen jarraitzen du
Gasteizko Udaltzaingoak Jundizko industrialdean larunbat goizaldean izandako istripua argitzeko lanean jarraitzen du. 18 urteko neska bat eta 21 urteko mutil bat hil ziren bertan.
Udaltzaingoak zabalik du ikerketa, eta deklarazio fasean kontuan hartuko ditu bai gertakariarekin lotura zuzena izan duten pertsonen adierazpenak bai gertakaria ikusi zuten pertsonenak ere.
Hala, istripua ikusi zuten herritarrei dei egin diete Udaltzaingoarekin harremanetan jartzeko, 092 edo 945 158 000 telefonoen bidez.
21 urteko gizon bat eta 18 urteko emakume bat hil ziren larunbat goizaldean Gasteizen, Jundizko industrialdean, gama altuko auto batek turismo txiki bat jota.
Istripuaren ondorioz, bertan hil zen auto txikiaren atzeko eserlekuetan zihoan bikotea. Auto horretako gidaria, 20 urteko gizon bat, oso larri eraman zuten Txagorritxu Ospitalera, eta ibilgailu horretako laugarren bidaiaria, gidariaren alboko eserlekuan zihoan emakume bat, arin zauritu zen.
Gama altuko autoan zihoan bidaiari bakarra, gidaria, arin zauritu zen.
Udaltzaingoak ikerketa abiatu du istripua nola gertatu den argitzeko. Inguru horietan inoiz legez kanpoko lasterketak egin diren arren, Udaltzaingoaren lehen ikerketek baztertu egin dute istripu horretan nahasitako bi ibilgailuak lasterketa batean parte hartzen aritu izana.
Hipotesi nagusiaren arabera, gama altuko ibilgailuaren gidariak zuhurtziagabekeriazko maniobra bat egin, abiadura handian zihoala ibilgailuaren martxa bat-batean aldatu, eta beste ibilgailua aurretik eraman zuen, ezkerraldetik jota.
Iñaki Gurtubai Gasteizko Udaleko Segurtasun zinegotziaren arabera, polizia-ikerketa oso atariko fasean dago, baina, dirudienez, gama altuko ibilgailua "oso abiadura handian" zihoan, eta maniobra "erabat arduragabea" egin ondoren, beste autoaren aurka egin zuen talka.
Hasieran legez kanpoko lasterketa izan zitekeela pentsatu arren, Gurtubairen esanetan, "arraroa" dirudi bi auto horiek horrelako lasterketa batean parte hartzen aritu izana, istripuan nahasitako ibilgailuek ezaugarri oso desberdinak dituztelako eta batean lau bidaiari zihoazelako eta bestean bakarra.
Horren hitzetan, istripu tragiko hori gertatu baino minutu batzuk lehenago, Udaltzaingoa inguru horretara joan zen, autoekin zibarena egitera edo bat-batean azeleratzera joandako gidariak edota horiek ikustera bertan bildutakoak bertatik ateratzeko asmoz.
Zauritutako gidariei buruz esan zuenez, "ezin izan diete deklarazioa hartu; medikuek galdekatzeko aukera eman arte itxaroten ari gara, eta, hortik aurrera, ikusiko dugu zer inplikazio duten gertakarietan eta atxiloketarik egin behar den ala ez".
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.