Gazteek baikorrago begiratzen diote etorkizunari
Azken urteotako joera, poliki bada ere, aldatzen ari dela dirudi, eta etorkizunean argitasun printzak ikusten hasi dira Euskal Autonomia Erkidegoko gazteak. Oro har, egun duten egoeraren balorazio positiboa egiten dute eta urte honetan lan bat aurkitzeko itxaropena dute. Eusko Jaurlaritzaren Gazteen Euskal Behatokiak iaz egindako "Aurrera Begira 2023" inkestak utzi dituen ondorio nagusietako batzuk dira. Gazteen egoerari eta etorkizuneko aurreikuspenei buruzko azterlan horretan, landutako hamar adierazletatik bederatzitan bilakaerak hobera egin du.
Pandemiak eragindako ezkortasunaren marrak beheranzko joera hartu duela dio galdeketak. Etorkizunean gazteek duten konfiantzaren indizeak 2022an utzi zuen azken hamarkadako daturik okerrena, eta urtebete geroago, badirudi beste bat dela ikuskera: % 58k badute geroan itxaropena. Egoera pertsonalari eta orokorrean gazteen egoerari buruz galdetuta, poztasun maila % 71koa da, iaz baino puntu bat gehiago, eta egungo egoeraz duten iritziak ere hiru puntu egin du gora, % 65eraino.
Halere, badira oraindik ezkor egoteko arrazoiak. Gazteen ia erdiek, % 43k (% 2 gutxiago), uste dute urtebeteko epean ez dela beteko emantzipatzeko duten asmoa. Derrigorrez emigratu beharra aurreikusten dutenen kopurua ere zertxobait jaitsi da, % 9ra. Duela hamar urte % 16 ziren uste hori zutenak.
Lan-munduari dagokionez, nabarmen gutxiago dira lana galtzeko edota lan-baldintzak okertzeko arriskua ikusten duten gazteak. Gainera, lanik gabe dauden gazteen % 72k urte honetan lana aurkituko dutela uste dute, eta ikasleen % 80k, berriz, bere ikasketekin zerikusia duen enplegua izateko itxaropena du horiek amaitzen dituenean.
Duela hamar urte hasi zen Eusko Jaurlaritza gazteen egoerari buruzko galdeketa hau egiten. Gaur aurkeztu duten txostena egiteko inkesta iazko abenduan egin zuten, 16 eta 29 urte arteko EAEko 6.737 gazte online bidez elkarrizketatuta. Bilbon egin duten agerraldian aletu dute txostena Jonan Fernandezek eta Miren Saratxagak, Eusko Jaurlaritzako Trantsizio Sozialaren eta 2030erako Agendaren idazkari nagusiak eta Gazteriaren zuzendariak, hurrenez hurren.
Fernandezek nabarmendu du "2023an joera aldatzen hasi" zela, eta "gazteen aldartea hobea" dela orain. "Pandemiak eragindako ezkortasuna atzean uzten ari gara", zehaztu du.
Aurkezpenean, Eustat Euskal Estatistika Erakundeak gazteen okupazioari buruz emandako datuak ere azaldu dituzte. 2023ko laugarren hiruhilekoko Biztanleria Jardueraren Arabera Sailkatzeko Inkestaren arabera, Euskadiko gazteen langabezia-tasa % 10,8koa da ( % 5 gutxiago) eta okupazio-tasa % 44,5ekoa da ( % 3,4 gutxiago).
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.