Landare-zorriak aurkitu dituzte EAEko bost ikastetxetako jantokietako menuan
Alarmak piztu dira berriro EAEko eskola-jantokietan, azken orduotan bost ikastetxetako plateretan landare-zorriak aurkitu dituztela jakin ondoren. Zehazki, azalore plateretan agertu dira intsektuak. Orain arte zabaldutako informazioaren arabera, Galdakaoko Gandasegi eta Urreta eta Andoaingo Ondarreta zentroak daude kaltetuen artean. Bietan Ausolan enpresaren esku dago zerbitzua. Lezo Herri Eskolan eta Mungiako Legarda ikastetxean ere atzeman dira intsektuak.
Ausolanek azaldu duenez, hazbetea bost ikastetxetan zerbitzatutako azalorean aurkitu dute, eta partida bereko azalorea beste 10 ikastetxetara ere bidali dute, baina horietan ez dute sukaldatu.
Berria zabaldu eta gutxira, gaur eguerdian, oharra kaleratu du Ausolanek, gertatutakoari buruzko argibideekin. Zehaztu duenez, lehendabiziko kasuen berri izan orduko, "alerta protokoloa" jarri zuten martxan, aurkitutako landare-zorrien "jatorria identifikatzeko". Hala, lehen ikerketen arabera, enpresak ondorioztatu du "kasu isolatuak" direla, "ezohiko arrazoi naturalek" eraginkakoak.
Hain zuzen, "lehorteak eragindako aldaketa naturalei" eta "azalorearen morfologia bereziari" egotzi die zorrien presentzia Ausolanek. Bi aldagai horiek batuta "oso zaila" omen da "intsektuak atzematea". Halaber, idatzian ziurtatu dute ikasleen osasuna "inoiz" ez dela arriskuan egon.
Eskura duen informazio guztia "dagokien arduradunei" helarazi diela gehitu du enpresak, eta baita, kaltetuta egon daitezkeen azalore partida guztiak "berehala" erretiratzea agindu duela ere.
Bere aldetik, Gandasegi ikastetxeko zuzendaritzak oharra bidali die familiei, gertatutakoa azalduz. Bertan diotenez, azalorea "izoztuta" jaso zuten eskolan, "poltsa eta lote ezberdinetan", eta horietako batean zeuden landare-zorriak. "Janaria prestatzerakoan ez zen gorabehera hori antzeman, eta ohiko moduan zerbitzatu zen", zehaztu dute idatzian. Protokoloa aktibatu ondoren, beharrezko neurriak hartuko direla jakinarazi dute eskolako arduradunek.
Joan den hilean, Eusko Jaurlaritzako Hezkuntza Sailak eta Serunion SAk enpresak —EAEko 17 zentrotan jantoki zerbitzua ematen zuen— erabaki zuten bertan behera uztea sinatuta zuten kontratua, hainbat jantokitan izandako arazoen ondorioz.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.