Fiskaltzak 15 urteko adingabea sei hilabetez zentro itxian sartzea eskatu du, Castron ama hiltzeagatik
Kantabriako Adingabeen Fiskaltzak Castro Urdialesen ama hiltzeagatik atxilotutako 15 urteko mutila zentro itxi batean sartzea eskatu du, erregimen itxian eta sei hilabetez, hilketa-delitu baten egilea izan dela pentsatzeko zantzuak daudela iritzita.
Ministerio publikoak hala eskatu dio Adingabeen Epaitegiaren jarduneko Guardiako Epaitegiari, eta haren esku utzi du ikertua, Fiskaltzako iturriek jakitera eman dutenez.
13 urteko anaia –bera ere gertakarietan nahastuta egongo litzateke, baina ez da egozgarria 14 urte baino gutxiago dituelako– adingabeak babesteko zentro batean sartu da, fiskalak hala aginduta.
Castro Urdialesen bizi zen 48 urteko emakume bizkaitarraren gorpua asteazkenean agertu zen, 20:45 aldera, indarkeria zantzuekin eta auto baten barruan ahoa estalita, bizi zen Monte Cerredo kalean.
Emakumeak zeladore gisa lan egiten zuen Gurutzetako ospitalean.
Hasieratik baztertu egin zen genero-indarkeriako delitu bat, eta bilaketa-dispositibo bat zabaldu zen bi adingabeak aurkitzeko. 02:00ak aldera aurkitu zituzten, herriko Cotolino parkean.
Guardia Zibilak horietako zaharrena atxilotu zuen, heriotzaren egilea zelakoan, eta biak Adingabeen Fiskaltzaren esku geratu ziren.
Susana Herran Castro Urdialeseko alkateak Radio Euskadin esan duenez, "atsekabetuta" daude albiste lazgarri honekin. Baieztatu du ez zeudela familia horren inguruko salaketarik edo gorabeherarik.
Castro Urdialeseko Udalak hiru dolu egun ezarri ditu. Ildo horretan, banderak haga erdian jarriko dituzte, eta asteburuko inauteri ospakizunak bertan behera geldituko dira. Gainera, Udalaren eta herritarren elkartasuna helarazi die hildakoaren senideei, eta errespetua eskatu du ama-semeentzat.
Albiste gehiago gizartea
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".