Jaurlaritzak % 59 igo du Gizonduz zerbitzuaren aurrekontua, "neomatxismoaren gorakadari" aurre egiteko
Eusko Jaurlaritzako Berdintasun, Justizia eta Gizarte Politiketako Sailak % 59 igoko du Gizonduzen, gizonekin eta maskulinitateekin lan egiteko berdintasunaren aldeko euskal zerbitzuaren, aurtengo aurrekontua. Nazioarte mailan "gero eta joera neomatxista handiagoa" atzeman du Jaurlaritzak, eta horri sentsibilizazioarekin erantzun behar zaiola uste du.
Gizonduz ekimenaren 2024ko lan estrategia prentsaurrekoan azaldu dute Nerea Melgosa sailburuak eta Miren Elgarresta Emakundeko zuzendariak. Azaldu dutenez, diru partida handitzearekin batera, orain arte programa zena zerbitzu bihurtuko dute. Hala, esku-hartze anbiziotsu, integral eta dibertsifikatuagoa lortuko dute.
Biak ala biak kezkatuta azaldu dira nazioartean hazten ari den olatu "neomatxistarekin". Joera horrek "desberdintasuna eta genero-indarkeria ukatzen ditu, eta gazteen artean eragina izaten ari da", nabarmendu dute. Horren aurrean, gizonen sentsibilizazioa indartzearen aldeko apustua egin dute, horrela jokatuz gero "emaitzak lortzen direla egiaztatu delako".
Aurtengo berrikuntzen artean, gizon gazteei zuzendutako programa pilotu bat jarriko dute martxan. Bertan jokabide matxista problematikoak dituzten eta jarrera horiek aldatzeko prest dauden gizonekin arituko dira. Horrez gain, orain arteko prestakuntza eta sentsibilizazio programarekin jarraiko dute, eta Gazteak Berdintasunean proiektuarekin (gazteen artean berdintasuna eta indarkeriaren prebentzioa sustatzea du helburu). Halaber, adingabeekin lan egiten duten profesionalen prestakuntza bultzatuko da eta aholkularitza eskainiko zaie erakunde publikoei eta pribatuei berdintasunaren aldeko maskulinitateekin lotutako proiektuak diseinatzeko.
Era berean, politika publikoetan gizonen eta maskulinitateen ikuspegia txertatzeko jarraibideak biltzen dituen gida bat egingo dute, eta profesionalak prestatuko dira kirolaren arloan sentsibilizatzeko.
Miren Elgarresta Emakundeko zuzendariak azaldu duenez, Gizonduzen helburua da gero eta gizon gehiago, bereziki gazteak, egotea "berdintasunaren alde eta indarkeria matxistaren aurka konprometituta". Gainera, Elgarrestak azaldu duenez, etxeko lanetan eta pertsonak zaintzeko lanetan erantzunkidetasuna orokortu nahi da.
"Berdintasuna sustatzeak eta maskulinotasun tradizionala edo patriarkala zalantzan jartzeak, emakumeei ez ezik, gizarte osoari eta gizonei ere egiten die mesede, euren nortasuna modu integralagoan eta genero-estereotipoetatik askeago garatzen laguntzen baitu", azpimarratu du.
Albiste gehiago gizartea
Zergatik bihurtu dira baso-suteak lehen baino arriskutsuagoak?
60ko hamarkadan, suteak 1. eta 2. mailakoak ziren, baina denborak aurrera egin ahala, sute horiek areagotu egin dira, eta, azken hamarkadetan, oso larriak izatera igaro dira, bosgarren eta seigarren mailakoak.
Hiru pertsona hil dira dagoeneko Espainiako suteetan
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira. 30 bat sute aktibo daude, horietatik 14 larriak, eta zortzi autonomia erkidego alertan daude sugarrengatik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.