Sei urteko kartzela-zigorra ezarri diote Altzan beste gizon bat hil zuen gizonari
2021ean Donostiako Altza auzoan gizon bat hil zuen gizonari sei urteko kartzela-zigorra ezarri dio epaileak, akusatuak hilketa onartu eta Fiskaltzak eta haren defentsak akordioa lortu ondoren.
Auzipetuak onartu egin du berak hil zuela 50 urteko donostiarra, eta, damua agertzearekin batera, barkamena eskatu die hildakoaren senideei. Halaber, kondenatuak 59.000 euroko kalte-ordaina eman beharko dio hildakoaren familiari, eta 25.000 euro gaur bertan ordaindu dizkio.
Fiskalak aringarriak ezarri dizkio drogak kontsumitzeagatik eta buruko gaitzak izateagatik, eta eragindako kaltea konpontzeko diruaren zati bat ordaindu izana ere ezinbestekoa izan da fiskalak hasierako 12 urteko kartzela-zigor eskaria jaisteko.
Halaber, kartzela-zigorra bete ondoren, zaintzapeko askatasuna izango du bost urtez.
Gipuzkoako Lurralde Auzitegian gaur zen hastekoa epaiketa, herri-epaimahaia aukeratuta. Hala ere, azkenean ez da horrela izan, auzipetuak hilketa onartu eta defentsak eta fiskalak akordioa lortu dutelako.
Horrenbestez, epaileak sei urteko kartzela-zigorra ezarri dio auzipetuari, legeak aurreikusten duen handiena horrelako akordioetarako.
Fiskaltzaren akusazioaren arabera, hilketa 2021eko ekainaren 26an gertatu zen, Donostiako Altza auzoko txabola batean. Biktimak eta akusatuak elkar ezagutzen zuten, eta egun hartan elkarrekin egon ziren inguruko tabernetan; gainera, substantzia estupefazienteak kontsumitu zituzten elkarrekin. Akusatuari jolas-makinetan sari bat egokitu zitzaion geroago, lagunak droga edo irabazitako sariaren zati bat kendu ziola susmatu, eta jipoitu egin zuen; horrek eragin zion heriotza.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.