Ehunka lagunek azken agurra eman diote Juan Maria Uriarteri, Begoñako basilikan
Juan Maria Uriarte Donostiako gotzain emerituaren hileta elizkizuna egin dute Begoñako basilikan, Bilbon. Joseba Segura Bilboko gotzaina buru izan du ekitaldiak. Uriarte larunbatean hil zen Basurtuko Ospitalean, 90 urte zituela, iktus baten ostean ospitaleratu eta egun gutxira.
Hiletan izan dira, besteak beste, Ricardo Blazquez kardinala, Mario Iceta Burgosko artzapezpikua, Francisco Perez Gonzalez Iruñeko eta Tuterako artzapezpiku emeritua, Fernando Prado Donostiako gotzaina, Jose Ignacio Munilla Orihuela-Alacanteko gotzaina eta Mikel Garciandia Palentziako gotzaina.
Agintari politikoei dagokienez, Josu Erkoreka eta Gotzone Sagardui sailburuak, Elixabete Etxanobe Bizkaiko ahaldun nagusia, Amaia Arregi Bilboko jarduneko alkatea eta Andoni Ortuzar EAJko presidentea izan dira, besteak beste.
Bere homilian Bilboko gotzainak adierazi duenez, Uriartek "bizipenetan aberatsa den existentzia pertsonal eta ministeriala mantendu ahal izan du, topaketetan aberatsa, poztasun, kezka eta argitasun ugarirekin, neurri batean bera jendearekin eta egoeretan inplikatzen zen modu biziagatik".
Gotzainak Uriarteren azken liburua ekarri du gogora, "Sexua eta generoa eztabaidagai": "90 urterekin gai korapilatsu horretan sartzeko kemena behar da, baina hor dago emaitza, argi eta garbi azaldutako hausnarketa bat; balorazio haztatu eta oso beharrezko batean amaitzen da".
Elizkizuna amaitu ondoren, hilkutxa atera denean, bertaratutakoen txaloak entzun dira. Gorpuzkiak Fruizera (Bizkaia) eramango dituzte, familiaren panteoian atseden hartzeko. Bihar, asteartea, Eukaristia ospatuko dute Donostiako Artzain Onaren Katedralean, 19:00etan.
Zure interesekoa izan daiteke
Berdintasun Ministerioak babes-protokoloa aktibatu behar izan du eskumuturrekoen sistemak huts egin ondoren
Ana Redondo ministroaren esanetan, indarkeria matxista jasan eta sistema hori erabiltzen duen "biktima bakar bat ere ez da babesik gabe egon" eta "datuak garaiz eta behar bezala iristen ari dira".
Elizako sexu-erasoen biktimei erreparazioa bermatuko dien batzorde misto bat iragarri du Bolaños ministroak
Biktimen elkarteekin bildu da Moncloa jauregian, tartean Nafarroakoarekin, eta Elizaren PRIVA plana ez dela "irtenbidea" onartu du.
Palestinako genozidioaren aurkako eta euskal selekzioaren aldeko aldarriek bat egingo dute larunbatean Bilbon
Hainbat mobilizazio daude deituta, partidaren aurretik, eta hitzordua historikoa izatea aurreikusten da. Antolatzaileen arabera, "larunbatekoak oihartzun handia izango du nazioartean".
Pertsona bat hil da AP-15 autobidean
Ezbeharrean, auto batek kontrako noranzkoa hartu du autobidean, Cadreitan (Nafarroa). Gainera, hainbat pertsona zauritu dira.
Milaka bidaia eta askotariko ekitaldiak, Bilboko metroaren 30. urteurrena ospatzeko
Bilboko metroaren 30 urteak beti bezala iritsi dira: hiru lineetako geltokien artean milaka ibilbide eginez. Erabiltzaileek metrorik gabe nola bizi zen izan dute gaur buruan, eta etorkizunari begira jarri dira.
STOP AHT Zundaketak taldeak udalei eskatu die zundaketa lanetan ez laguntzeko
Aurreikuspenen arabera, Ataunen, Idiazabalen, Beasainen eta Bakaikun dira zundaketak egitekoak, 'Euskal Y'-aren eta Nafarroaren arteko lotunea aztertzeko.
GOIDIaren biktimen protesta Valentziako Gorteen atarian, Mazonen agerraldia dela eta
Valentziako GOIDIaren biktimen elkarteek elkarretaratzea egin dute Valentziako Gorteen atarian, Carlos Mazon Generalitateko jarduneko presidentea ikerketa batzordean agerraldia egiten ari zen bitartean. Epaitegira joateko diputatu akta ez uztea aurpegiratu diote biktimek Mazoni.
Eusko Jaurlaritzak etxaldeei eskatu die hegazti gripeari aurre egiteko neurriak bete ditzatela
Elikadura, Landa Garapen, Nekazaritza eta Arrantza Sailak premiazko bilera deituko du datozen egunotan, sektoreko eta erakundeetako ordezkariekin, egoeraren jarraipena egiteko.
Europako ikerketa baten arabera, eleaniztasunak gazte izaten laguntzen du
Ikerketak ondorioztatu duenez, hizkuntza bat baino gehiago hitz egiten duten pertsonak gainerakoak baino georago zahartzen dira.
Behobiako partaide bat salbatu zuen mediku korrikalaria: "Luze egin zen, 10 minutu egon ginen bihotz-biriketako bizkortzea egiten"
Rafa Pajaresek, Segoviako Ospitaleko ZIUko medikuak, ez du ahaztuko joan den igandean Behobia-Donostia lasterketan bizi izandakoa. Lasterketako 10. kilometroan oihuak eta "parada" hitza entzun zituen. Berehala laguntza ematera hurbildu zen. Bertan zeuden beste osasun-langilerekin batera, bihotz-biriketako geldialdian zegoen korrikalaria suspertzea lortu zuten.