Hiru hildako, tartean adingabe bat, Villajoyosako etxebizitza eraikin batean izandako sutean
Hiru pertsona, tartean adingabe bat, hil dira eta beste 15 kea arnasteagatik artatu behar izan dituzte Villajoyosako (Alacant) etxebizitza eraikin batean izandako sute batean.
Larrialdi zerbitzuek jakinarazi dutenez, 2:15ean jaso dute sutearen abisua. Marineros etorbideko etxebizitza batean piztu da sua, 24 solairuko eraikin baten 11. pisuan.
Amona, semea eta 5 urteko biloba, txakurrari besarkatuta aurkitu dutena, dira hildakoak, eta osasun zerbitzuek 15 pertsona artatu dituzte kea arnasteagatik: 24 eta 67 urte arteko zazpi emakume, eta 13 eta 57 urteko zortzi gizonezko.
Artatutakoetako bat polizia da, eta gainerako 14ak Marina Baixa ospitalera eraman dituzte.
Suteak ke eta gar handiak eragin ditu, eta bertaratu diren guardia zibilek, udaltzainek, suhiltzaileek eta osasun zerbitzuek 120 pertsona atera dituzte euren etxeetatik. 03:45erako sutea guztiz itzalita zegoen.
Hildakoen gorpuak 9:30 aldera eraman dituzte, epailearen aginduz, autopsia egitera, eta Valentziatik iritsitako ikertzaileak sutea zerk eragin duen aztertzen ari dira.
Toni Perez Alacanteko Aldundiko eta Suhiltzaileen Lurralde Partzuergoko presidentea goizean goiz iritsi da eraikinera, eta "erabateko atsekabea" agertu du gertatutakoagatik.
Perezek azpimarratu du sutea piztu zen orduan eta zegoen mendebaldeko haize gogorrarekin, are okerragoa izan zitekeela gertakaria; horregatik, txalotu egin du suhiltzaileen "azkartasuna".
Villajoyosako Udalak hiru dolu egun ofizial ezarri ditu hildako hiru pertsonen omenez.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.