7 urteko espetxe-zigorra ezarri diote iazko martxoan, Iruñean, emakume bat bortxatu zuen gizonezkoari
Nafarroako Auzitegiko Lehen Sekzioak 7 urteko espetxe-zigorra ezarri dio 2023ko martxoan Iruñean emakume bat bortxatu zuen gizon bati, sexu-erasoa egitea egotzita.
Epaiak jasotzen duenez, zigortuak ezin izango du biktimarekin 500 metro baino gutxiagora hitz egin, ezta harengana hurbildu ere hurrengo 15 urteetan, eta 7 urtez zaintzapeko askatasun-neurria bete beharko du.
Zazpi urteko espetxe zigor horretatik, denboraren erdia espetxean egon beharko duela adostu dute aldeek. Gainerako zatia, Estatutik kanporatzearekin ordezkatuko da. Ezin izango da Espainiar estatura itzuli datozen hamar urteetan.
Kondenatuak, gainera, 20.000 euroko kalte-ordaina ordaindu beharko dio biktimari, eragindako kalte moralagatik.
Gertakariak 2023ko martxoaren 19an izan ziren, goizaldeko 2:30etan, akusatua San Jorge auzoko taberna baten inguruan zegoela. Auzipetua emakume batekin hizketan hasi zen. Epaiaren arabera, alkohola edatearen ondorioz, emakumea nekatuta zegoen, eta gizonak etxera eramateko bere burua eskaini zion.
Gizonak hainbat kaletan zehar eraman zuen, Trenbide kalearen eta Santa Luzia pasealekuaren arteko elkarguneraino. Han, landa eremu batean, eta zuhaitz handi baten azpian, auzipetuak emakumea bultzatu zuen, eta bertan birritan bortxatu.
Emakumea ihes egiten saiatu zen, eta laguntza eskatu zuen behin eta berriz, baina gizonezkoak ahoa estali zion inork entzun ez zezan. Sexu-erasoaren ondorioz, emakumeak lesioak izan zituen buruan, lepoan, enborrean, ukondo batean, esku batean eta belaun batean. Ginekologia-lesioak ere izan zituen. Era berean, laguntza psikologikoa jasotzen ari da gertakariak direla eta.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.