Arartekoak ondorioztatu du baliabide gehiago behar direla, herritarren osasun eskubidea bermatzeko
Arartekoa erakundeak iaz orotara 13.603 jarduera bideratu zituen, aurreko urtean baino % 6,6 gehiago: 8.199 kexak edota kontsultak izan ziren, eta 26 ofiziozko espedienteak. Horien gaiei dagokienez, ia erdiak (% 46) eskubide sozialekin zuten zerikusia, eta deigarria da gizarte bazterkeria egoerarekin lotutako kexek gora egin dutela. Aurkeztutako guztietatik, 2.589 kexa-espediente ebatzi ziren.
Manu Lezertua arartekoak gaur erregistratu du Eusko Legebiltzarrean 2023ko jardunari dagokion txostena. Apirilaren 21eko hauteskunde deialdiaren ondorioz, Gasteizko Ganbera deseginda dago, eta hori dela eta, Lezertuak ezin izan dio urteko txostena erakunde horretako presidenteari eskura eman, beti egin izan ohi duen gisan.
Aurreko urteotako bideari jarraituz, aurkeztu ziren kexa gehienak eskubide sozialekin lotutakoak ziren (osasuna, gizarteratzea, hezkuntza edota etxebizitza), eta horiek aztertuta, Arartekoak ondorioztatu du "lehen mailako eta bigarren mailako arreta-sarean tentsio handia" dagoela EAEn, eta iritzi dio egoerari erantzun bate emateko, "osasun administrazioek beharrezko material eta giza baliabideak jarri behar dituztela" herritarren "osasun-eskubidea benetan bermatuta" egon dadin.
Era berean, txostenak dio gizarte-bazterkeriarekin zerikusia zuten kexen % 89 inguruk Lanbideren "funtzionamendu txarra" salatzen zutela, bereziki, herritarrek arazoak izan zituztelako diru-sarrerak bermatzeko errenta eta etxebizitzarako prestazio osagarria bideratzeko orduan.
Hezkuntzarekin lotutako kexei dagokienean, Arartekoak azaldu du iaz familia asko izan zirela eurengana jo zutenak, EAEko ikastetxeetan ikasleak onartzeko prozesuetan hartu ziren erabakiez kexatzeko eta beren seme-alabentzako eskola aske aukeratu ahal izatea erreklamatzeko.
Azkenik, 2023an "nabarmen gutxitu" zen Arartekoarekin lankidetzan "uzkurtasuna" agertu zuten administrazioen kopurua. Zentzu horretan, Lezertuak ohartarazi du "bereziki kezkagarria" dela administrazio batzuek jartzen dituzten oztopoak "irregulartasunak saihesteko".
Aurreko urtetan bezala, Eusko Jaurlaritza izan zen idatzizko erreklamazio gehien jaso zituen erakunde, erdia baino gehiago.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.