Auto-ilarez jositako goiza EAEko errepideetan, baina zirkulazioa normaltasunera itzuli da
Aste Santuko Irteera Operazioa tarteko, ibilgailu andana dabil EAEko errepideetan, eta hala, sortu dira aurreneko arazoak, Eusko Jaurlaritzako Segurtasun Sailak eitb.eus-i jakinarazi dionez. 13:00etan, pilaketa handiak zeuden, 10 kilometrokoak, Bizkaiko eta Kantabriako mugan, Muskiz (Bizkaia) parean eta betiere Santanderreko noranzkoan. Hala ere, 14:40rako trafikoa normaltasunera itzuli da.
Autobide berean, 6 kilometroko ilarak izan dira AP-8an, Irun parean (Gipuzkoa) eta Baionarako bidean. AP-8ko Zarauzko ordainlekuan ere pilaketak sortu dira, 2 kilometro ingurukoak, baina eguerdi bueltarako bukatuta zeuden jada.
Halaber, Araban, AP-1 eta A-1 errepideek bat egiten duten lekuan (Armiñongo lotunea) 4 kilometroko pilaketak sortu dira, Burgosera bidean. Dena dela, 12:10 aldera bukatuta zeudela jakinarazi du Trafiko Zuzendaritzak.
Hain justu, Estibaliz Olabarri Eusko Jaurlaritzako Trafiko zuzendariak azpimarratu duenez, Ostegun Santuko goiza izan ohi da Aste Santuko irteera operazioko unerik konplikatuena errepideetan, bereziki 09:00etatik 15:00etara.
Ibilgailuen joan-etorria gorabehera, gaur goizean ez da istripu larririk gertatu.
Lehen egunak utzitakoak
Atzo hasi zen ofizialki Aste Santuko oporretako Irteera Operazioa. Aurten, milioi bat joan-etorri baino gehiago espero dira: 530.000 desplazamendu EAEn sartzeko eta beste hainbeste irteteko, iaz baino apur bat gehiago.
Asteazken arratsaldean AP-8 autobidea itxita egon zen Galdakaon, Irungo noranzkoan, istripu baten ondorioz. Kamioi batek autobideko informazio-panel bat jo zuen, panelean kalte handiak eraginez. Erortzeko arriskua zegoenez, bidea itxi egin zuten, badaezpada, eta azkenean errepidera jausi zen.
Gidariek ez dute meteorologia lagun izango. Euskalmet Euskal Meteorologia Agentziaren arabera, fronte baten iritsierak giro euritsua, zaparrada mardulekin, eta hegoaldeko haize zakarra utziko ditu. Hain zuzen ere, Trafiko Zuzendaritzatik zuhurtzia eskatu dute.
Gomendioak
Istripuak saihesteko, honako gomendioak eman ditu Trafiko Zuzendaritzak:
- Bideari ekin baino lehen trafikoaren egoera kontsultatzea —Trafikoaren webgunean, X sare sozialeko profilean eta 011 telefono zenbakian—.
- Eguraldiaren iragarpena begiratzea, eta ibilgailua eta gidatzea baldintzetara egokitzea.
- Nahitaezkoa da segurtasun-uhala erabiltzea, baita atzeko eserlekuetan ere, eta ziurtatu beharko da adin txikikoek haurrak eusteko sistema egokia daramatela.
- Alkohol eta drogarik ez gidatzean.
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.