Bizkaiko hainbat ikastetxek eskolak lehenago amaituko dituzte ostegunean, trafiko arazoak saihesteko

Era berean, enpresa batzuek edo Deustuko Unibertsitateak ohi baino lehenago amaituko dituzte lanaldiak eta eskolak, hurrenez hurren.

Claret Askartza Leioa — Askartza Claret. Irudia: EITB

EITB Media

2024/04/08 - 22:30

Azken eguneratzea

2024/04/08 - 22:30

Hainbat ikastetxek iragarri dute ostegunean eskolak lehenago amaituko direla Athleticen ospakizunak direla medio. Ikastetxeez gain, enpresa batzuek edo Deustuko Unibertsitateak lanaldiak eta eskolak lehenago bukatuko dituztela iragarri dute. Konkretuki, Unibertsitateak eskolak bertan behera utziko ditu 14:00etatik aurrera.

Xedea egun horretarako espero diren zirkulazio-arazoak saihestea da. Eskolen amaiera aurreratu duten ikastetxeen artean daude Urdaneta, Lauro Ikastola, Lauaxeta Ikastola, Larramendi Ikastola, Irlandesas, Colegio Vizcaya edo Askartza Claret.

Ikastolen Elkartetik azaldu dutenez, hasiera batean, hiru ordutegitan ateratzeko aukera emango diete familiei, nahi duena lehenago joan dadin errazteko, baina baita eguerdian seme-alabak hartu ezin dituztenei babesa emateko ere. Are gehiago, ikastetxeren bat aukera ematen ari da ikasleak egun osoan eskoletara ez joateko.

Askartza Clareten kasuan, ikastetxeko zuzendaritzak ohar batean azaldu duenez, "bigarren hezkuntzako ikasleak etxera bidali behar dituzte 12:00etan (bazkaldu aurretik), eta ezingo dute ikastetxean jan, eta haur eta lehen hezkuntzako ikasleek bazkaldu ondoren amaituko dute eskola-eguna, 13:30ean".

Lauaxeta Ikastolak 12:00etan, bazkaldu gabe, ikasleak etxera bidaltzeko asmoa ere du, eta horretarako, gurasoei asteazkeneko 10:00ak baino lehen galdetegi bat betetzeko eskatu die, ikaslea nork hartuko duen zehaztuz. Gainera, seme-alaba bakoitzeko formulario bat bete beharko da.

Albiste gehiago gizartea

Bizkaiko Zubia zerbitzurik gabe geratu da matxura batengatik

Zerbitzu horren erabiltzaileak Getxotik Portugaletera joateko beste aukera batzuk bilatzen ari dira, oraingoz ez baitago argi zenbat denbora beharko den gorabehera hori konpontzeko.

2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik

2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.

ALMERÍA, 27/06/2025.- Una mujer de unos 60 años ha sido hallada la tarde de este viernes muerta en el interior de una vivienda situada en la travesía de San Luis, en la capital almeriense, en lo que la Policía Nacional ha confirmado a EFE como un homicidio. Varios familiares de la mujer esperan frente al domicilio el levantamiento del cadáver. EFE/ Carlos Barba

Gizon bat atxilotu dute Almerian, emaztea labankadaz hil ostean

63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.

Ortzadarrak nagusi Euskal Herriko kaleetan LGTBI Harrotasunaren egunean

Martxak eta ekitaldi ugari izango dira egun osoan zehar hiriburu eta herri askotan, LGTBIQ+ pertsonen eskubideak aldarrikatzeko. Bilbon, 12:00etan abiatu da martxa nagusia, Casillatik. Gasteizen, Donostian eta Iruñean arratsaldean izango dira manifestazioak.

Elkarretaratzea egin dute Hernanin, jaietan izandako eraso arrazisten aurka protesta egiteko

Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.

Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute

Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.

Ehgam-ek transfobian jarri du arreta aurten bere sariak banatzeko ekitaldian

Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.