Kultura Ministerioak Tauromakiako Sari Nazionala ezabatzea erabaki du
Ernest Urtasun Kultura ministroak Tauromakiako Sari Nazionala desagertuko dela iragarri du gaur, diziplina hori "animalien tortura mota bat" dela iritzita.
Sektoreko profesionalek eta elkarteek "sektariotzat" jo dute erabakia. Erkidegoetako hainbat buruzagik ere kritikatu dute, besteak beste, Emiliano Garcia Page Gaztela-Mantxako presidente sozialistak.
Urtasunek 30.000 euroko sariaren inguruko erabakiaren berri eman du gaur. Azaldu duenez, "herritarren sentimenduari" erantzuten dio desagertzeak, "gero eta gutxiago ulertzen baita animalien tortura, eta horri sariak eskaintzea". Ministroak azpimarratu du urrats koherentea dela 2023an animalien ongizatearen legea onartzearekin.
Urtasunek ziurtatu du ohiturek "eboluzionatu" egin behar dutela, eta, beraz, ez dela egon behar "animalien torturarekin" zerikusia duen eta "diru publikoarekin egindako inbertsio batekin" lotuta dagoen saririk. "Espainiarren gehiengo batek babesten du nik gaur hartu dudan erabakia", erantsidu.
Tauromakiako Sari Nazionala 2011n sortu zuen Jose Luis Rodriguez Zapateroren Gobernuak, eta 2013an eman zitzaion lehen aldiz Francisco Manuel Ojeda Gonzalez toreatzaileari, Paco Ojeda izenez ezaguna denari. Azken saritua, 2023an, Julian Lopez izan zen, El Juli.
PPk iragarri du gobernatzen duenean saria berreskuratuko dutela, eta Senatuan mozio bat erregistratuko duela. Mozio horretan, PSOEk jarrera hartu beharko du bere gobernukide Sumarrek hartutako erabakiaren inguruan.
Horren ildotik, Urtasunek adierazi du erabakia Kultura Ministerioari dagokiola, eta, beraz, Gobernuko alde sozialistako "inor" ez dela berarekin harremanetan jarri.
Talde ekologistek eta animalistek txalotu egin dute Urtasunen neurria. PACMA alderdi animalistarentzat, "animalien aurkako tratu txarrak laudatzea eta bultzatzea" zen saria.
Real Union de Criadores de Toros de Lidia, Union de Toreros, Asociacion Nacional de Organizaciones de Espectaculos Taurinos (ANOET), Fundacion del Toro de Lidia eta Alianza Rural elkarteek, ostera, Kultura ministroaren dimisioa eskatu dute, eta erabakia "zentsura-ariketa" bat dela uste dute.
Horren ildotik, ohar baten bidez, elkarteek "iraintzat" jo dute neurria, eta gaineratu dute zezenketak Espainiako "jarduera ekonomiko kultural garrantzitsuena" dela. Azkenik, Urtasuni 18/2023 Legearen aurkako "erasoa" egitea leporatu diote, lege horrek ezartzen baitu "Estatuak tauromakia babestu eta sustatu behar duela, ministroaren ardura zuzena".
Zure interesekoa izan daiteke
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.
Euskal panettone bat Italian lehiatuko da nazioarteko final handi batean
Markina-Xemeingo Tate gozotegiaren panettonea urteko panettone iberiko onenaren finalean lehiatuko da, beste hamarrekin batera. Martxel Iridoy gozogileak bere panettonearen osagaiak argitu dizkigu.