BetiON zerbitzuarekin iruzurra egin nahian ari diren telefono deiez ohartarazi du Jaurlaritzak
BetiON telelaguntza zerbitzua publikokoaren izenean "iruzurrezko telefono deiak" egiten ari direla ohartarazi du Eusko Jaurlaritzak, itxura guztien arabera, herritarren "banku-datuak lortzeko" helburuarekin. Esan dutenez, dei horietan telefonoa hartzen duenari esaten zaio betiON zerbitzua "nahitaezkoa" dela 65 urtetik gorakoentzat.
Goizean zabaldutako ohar batean, Jaurlaritzak gogorarazi du "inondik ere" ez dela derrigorrezkoa telelaguntza zerbitzua, eta zehaztu du "profil jakin batzuei zuzenduta" dagoela: batez ere, zerbitzuaren erabiltzaileak dira bakarrik bizi diren 75 urtetik gorako pertsonak eta mendekotasun egoeran edo arriskuan dauden herritarrak.
Iruzur saiakerak atzeman ondoren, prebentzio neurriak indartu ditu betiONek, eta lapurretei edota iruzurrei buruzko informazioa zabaltzen ari dira egunotan erabiltzaileen artean. "Helarazten diegun mezurik argiena da zalantzarik izanez gero eta deitzen dutenak gu ez garela sumatuz gero, botoi gorria sakatzea, deia guk egin dugun ala ez egiaztatzeko", esan du Iñigo Mijangos betiON zerbitzuko arduradunak.
Halaber, erabiltzailea ez den pertsonaren batek jaso duen deiaren inguruan "zalantzak" baditu, elkarrizketa "berehala etetea" eta Gizarte Zerbitzuen Zuzendaritzara deitzea (945 016 364/945 016 362) aholkatu du Mijangosek.
Egun, 76.000 erabiltzaile baino gehiago ditu telelaguntza zerbitzu publikoak, eta lautik hiru emakumeak dira. Erabiltzaileek batez beste 80 urte dituzte, eta gehienak bakarrik bizi diren emakumeak dira.
Zure interesekoa izan daiteke
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.