Atxilotu egin dute Zaldibarren motozale bat hil den istripuan nahastutako gidaria

Motozale bat hil zen igande goizean Zaldibarren izandako zirkulazio-istripu batean, eta istripuan inplikatutako autoaren ustezko gidaria identifikatu eta atxilotu egin zuen Ertzaintzak, Segurtasun Sailak jakitera eman duenez.

Beharrezko izapideak egin eta gaua komisaldegian igaro ostean, epailearen aurrean deklaratuko du atxilotuak.

Ezbeharra 10:00ak baino minutu batzuk lehenago gertatu zen, Zaldibarko Olarreaga auzoan. Auto batek eta motor batek elkar jo zuten, eta motozalea lekuan bertan hil zen.

Ertzaintzak ikerketa abiatu du istripua nola gertatu den argitzeko.