Lazkaoko kaleak ibai bihurtu dira arratsaldean bota duen euri-jasa ikaragarri baten ondorioz
Lazkaoko kaleak ibai bihurtu dira igande arratsaldean bota duen zaparrada oso bortitz baten ondorioz.
15:30 aldean hasi da erauntsia. Euskalemeten Ordiziako estazioak jaso dituen datuen arabera, metro koadroko 8 litro bota ditu 10 minutuan, eta tenperaturak lau gradu egin du behera bat-batean.
Horrenbeste ur hartu ezinda, ubideek eta estoldek gainezka egin dute, eta urak ahal izan duen lekutik egin du bere bidea.
Kepa Zubiarrain Lazkaoko alkateak EITBri azaldu dionez, ordu erdi eskas iraun duen "euri erauntsi izugarria" izan da.
Ura garaje, lokal eta etxabe askotan sartu da.
Zubiarrainen hitzetan, Txindoki-Zahar egoitzara ur dezente sartu da teilatutik, eta egoiliarrak bertatik atera beharra izango ote zuten beldur izan dira une batez. "Azkenean, atera gabe moldatzeko modua izan dugu", erantsi du.
Maizpide euskaltegiko sotoan metro bateko altuera hartu du urak eta bertan zegoen guztia ondatu du.
Zaparrada oso lokalizatua izan da gainera; izan ere, Beasainen eta Ataunen, Lazkao ondo-ondoan dauden herriak biak, ez du aparteko euririk egin arratsaldean.
Erauntsia igaro ondoren, ura ateratzeko lanean hasi dira herritarrak. Alkatearen esanetan, "kalteak handiak izan dira", kalte materialak betiere, ez baita kalte pertsonalik izan.
Bihartik aurrera, kalteen balorazioa egin behar izango dute lazkaoko herritarrek.
Gi-2120 errepidean ere, ur putzu handiak sortu dira, eta une batean trafikoa moztuta egon da. Hala ere, 18:00ak aldera ez zen gidatzeko arazorik errepide horretan.
Kasualitateak kasualitate, gaur 34 urte, kazkabar historikoa izan zen Ordizian. Goierritarrek gogoan dute oraindik.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.