Greenpeacek helegitea aurkeztu du Urdaibaiko babes eremua murriztearen aurka
Greenpeace talde ekologistak auzitegietara jo du Urdaibain eraiki asmo duten Guggenheim museoa Urdaibain eraikitzeko proiektuaren aurka. Zehazki, administrazioarekiko auzi errekurtsoa jarri du kostaldea babesteko eremua 100 metrotik 20ra murrizteko Espainiako Gobernuak hartutako erabakiaren aurka.
Izan ere, Greenpeaceren arabera, Kosta legearen aurka doan erabakia da.
Erakundeak ohar bidez jakinarazi duenez, Ministerioaren aginduak 100 metrotik 20ra murriztu zuen kostako babes eremua Murueta ontziola zegoen inguruan, hain zuzen ere, Guggenheim Urdaibai museoaren bi eraikinetako bat kokatu nahi duten tokian —bestea Daliak Gernikan zuen fabrika zaharrean—.
Era berean, Greenpeacek uste du Ministerioaren aginduak atea irekitzen diola 600.000 metro koadro baino gehiagoko proiektu eraikitzeko babestutako eremu batean. Izan ere, Urdaibai biosferaren erreserba da, Oka ibaiaren estuarioa Hezeguneei buruzko Ramsar Konbentzioaren parte da; Mundaka-Gernika itsasadarra nazioarteko hezegune garrantzitsuen artean dago, eta Murueta Natura 2000 Sarearen parte da.
Hori guztia dela eta, talde ekologistak espero du Espainiako Gobernuak atzera egitea eta Urdaibai babestea. Lorea Flores Greenpeacek Euskadin duen bozeramailearen esanetan, Urdaibai Doñana bezala babestutako eremua da eta errespetatu egin behar da. Are gehiago, uste du kostalde zati txikia dagoela babes egoeran eta horregatik administrazioek eta justiziak babestu egin behar dutela.
Helegiteak helegite, Guggenheim Urdaibai proiektua aurrera ateratzeko lanean jarraituko duela nabarmendu du Bizkaiko Foru Aldundiak. Leixuri Arrizabalaga Bizkaiko Aldundiko bozeramaileak uko egin dio baloraziorik egiteari, eta auzitegiak ebatzi arte itxarongo dutela gaineratu du.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.