Getxoko hilketarekin zerikusia dutelakoan atxilotutako bost adingabeak Fiskaltzaren esku utzi dituzte
Getxon labankadaz hildako gaztearen heriotzarekin zerikusia dutelakoan atxilotutako bost pertsona Bilboko Adingabeen Fiskaltzaren esku utzi dituzte goizean, gaua komisaldegian igaro eta gero.
Larunbatean, 23:30 inguruan, izan zen erasoa. Taberna inguru batean, gazte batek beste bati arma zuriz egin zion eraso, eta biktima larri zaurituta eraman zuten Gurutzetako ospitalera. Bertan hil zen geroago.
Ordu inguru horretan, Ertzaintzak, Getxoko Udaltzaingoarekin batera, ustez erasoan parte hartu zuten bost adingabe atxilotu zituen Algortako metroko geltokian. Horrez gain, odol arrastoak zituzten bi labana ere aurkitu zituzten geltokian bertan dagoen zaborrontzi batean.
Haserrea eta sumindura eragin ditu erasoak Bizkaiko herri horretako bizilagunen artean, eta atzo elkarretaratze jendetsua egin zuten, gertatutakoa salatzeko eta biktimaren gertukoei elkartasuna adierazteko.
Bestalde, Getxoko Udalak Bozeramaileen Batzordearen premiazko bilera egin du gaur, gaitzespen-testu bat adosteko, eta elkarretaratzea egiteko deia egin dute, gertatutakoa gaitzesteko. Ekitaldia astearte honetan izango da, 19:00etan, Algortako Satistegi plazan.
Amaia Agirre Getxoko alkateak irmo gaitzetsi zuen atzo gertatutakoa. Gaur, berriz, "edozein liskar konpontzeko" indarkeria erabiltzea arbuiatzen duen manifestu bat irakurri du.
Halaber, azpimarratu duenez, "gertakari tamalgarri hori ez da erabili behar gorrotoa, xenofobia, arrazakeria edo edozein diskriminazio mota sustatzeko aitzakia gisa". Zentzu horretan, Getxo hiri "anitza eta kultura anitzekoa" dela azpimarratu du, eta "elkarbizitza baketsua eta elkarrekiko errespetua gure komunitatearen zutabeak direla" gaineratu du. Hala, familiari eta lagunei elkartasuna adierazi die "une zail hauetan".
"Segurtasun- eta prebentzio-neurriak sendotzen jarraituko dugu, gure bizikidetza aldatzen duten hain egoera larriak saihesteko, eta herritarrak bihar, asteartea, 19:00etan Algortako Satistegi plazan egingo den elkarretaratze isilean parte hartzera gonbidatzen ditugu", gaineratu du.
Azken orduetan, atxilotuen jatorriari buruz gezurrezko informazioa bolo-bolo zabaldu da sare sozialetan eta Bizkaiko Adingabeen Fiskaltzak berak gezurtatu egin du sareetan dabilen informazio hori. Hala, atxilotuak ez direla magrebtar jatorriko inoren kargura ez dauden adingabe atzerritarrak jakinarazi du— "mena" mespretxuzko hitzarekin aipatu ohi direnak —.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.