Udako ordutegia murriztuko dute Lehen Mailako Arretako zentroen % 21ean, zenbaitetan aste honetatik bertatik
Azken urteetan bezala, Osakidetzak Lehen Mailako Arretako zentroen ordutegiak egokitu egingo ditu udari begira, eta aurten, gainera, kasu batzuetan aste honetan bertan sartuko dira indarrean. 339 anbulatorioetatik heren bati eragingo dio: 72tan ordutegiak murriztuko dituzte, eta 44tan itxiera puntualak egingo dituzte. "Eguraldi ona nagusi den garaietan eta arnas aparatuko gaixotasunen presentzia murrizten denean, asistentzia-eskaera txikiagoa da", argudiatu du Osakidetzak.
Eusko Jaurlaritzako Osasun Sailak zabaldutako oharraren arabera, Euskadiko Lehen Mailako Arretako 339 osasun-zentroetatik 155ek lanaldiak eta ordutegiak mantenduko dituzte, eta 72 zentrok itxiera-ordutegia aurreratuko dute, kasu gehienetan 20:00etatik 17:00etara. Horrez gain, "44 kontsultategik udako hilabeteetako egun batzuk itxiko dituzte eta 10 kontsultategi uda osoan zehar itxiko dira; horiek guztiak, normalean, astean ordubete baino ematen ez duten zentroak dira". 58 zentrotan oraindik ez da behin betiko itxi lanaldien eta ordutegien plangintza.
"Kalitatezko osasun-laguntza profesionalen atsedenarekin eta negua gainditu ondorengo zerbitzu-eskaera txikiagoarekin bateragarri egiteko" egin dituztela egokitzapenok erantsi dute osasun arduradunek. Gaur helarazi diete plangintza Mahai Sektorialeko ordezkariei.
Sindikatuek murrizketak salatu dituzte
ELA eta CCOO sindikatuek, bere aldetik, "murrizketak" salatu dituzte, "osasun-zentroek ekipamendu osoarekin irekitzea bermatu gabe".
ELAk salatu duenez, uda honetan "murrizketak gero eta handiagoak dira, denbora-tarte zabalagoa hartzen dute eta osasun zentro eta etengabeko arretako gune gehiagori eragiten die".
"Aurreikuspenen arabera, etengabeko arretako guneetan 1.000 txanda inguru daude bete gabe", adierazi du sindikatuak, eta kanpainan zehar Osakidetzarentzat eta Lehen Mailako Arretarentzat irtenbideak proposatzen zituzten diskurtsoak entzun izana kritikatu du.
ELAren arabera, langileen "lan-karga gehitzen" eta herritarrei "zerbitzua murrizten" jarraitzen da, "Lehen Mailako Arretaren gabeziei aurre egiteko" planik gabe.
CCOOk ere salatu duenez, planteatzen den beste neurrietako bat "autokontzertazioa da, hau da, profesionalek, batez ere medikuek, aparteko orduak egitea falta diren langileak ordezkatzeko".
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.