Tokiko herritarrei zein kanpoko bisitariei egokitutako gida turistiko berria aurkeztu du Gipuzkoako Aldundiak
Gipuzkoako Turismo gida berria aurkeztu du Foru Aldundiak gaur, Zumaian egin duen agerraldian. "Hain Gipuzkoa" markapean, bertako herritarrei zein kanpoko bisitariei zuzendutako gida da, eta bat dator "turismo-fluxuak desestazionalizatzeko eta deslokalizatzeko estrategiarekin".
Lehen aldiz, "lurralde osoan zehar pertsonalizatutako zazpi plan-gida" prestatu ditu Aldundiak. Hauek publiko guztiei zuzenduta daude eta honako ataletan banatzen dira: Hain naturala, Hain industriala, Hain kostakoa, Hain lasaia, Hain abentura, Hain familiarra eta Hain zaporetsua.
Mugikortasun, Turismo eta Lurralde Antolaketako diputatu Azahara Dominguezek azaldu duenez, "Gipuzkoak hamaika altxor ditu gozatzeko. Nahi dugu gu ezagutzera datozenak gurean murgildu daitezen, hots, gure lurraldean sar daitezen, nor garen eta nondik gatozen jakin dezaten, gure kultura, gure tradizioak, gure ingurunea eta gure jendea deskubritu ditzaten".
"Turismo jasangarriaren aldeko apustua eginez, ingurumena eta tokiko kultura ez ezik, gipuzkoarrak ere errespetatzea eta zaintzea lehenetsiz; euskal kulturaren eta euskararen ezagutza sustatuko duen turismoa; norberaren lurraldeko agentzia eta gidariekin eta tokiko merkataritzarekin lankidetzan arituko dena, gure ekonomia indartzen lagunduz; eta jarduera jasangarriak egingo dituena, garraio publikoaren erabilera eta birziklatzea sustatuz, besteak beste", gehitu du.
Gainera, gida berri hau "gipuzkoarrek lurralde honek eskaintzen dituen aukera itzelez goza dezaten" baliagarria izango dela dio.
Iraunkortasunaren ikuspegia kontuan gida edozein gailu mugikorretan egongo da eskuragarri, QR kode baten bidez, lau hizkuntzatan (gaztelania, euskara, ingelesa eta frantsesa).
Zure interesekoa izan daiteke
Kamioi batek su hartu du Iruraiz-Gaunan, eta AP-1 errepidea itxi dute
Kamioi batek su hartu du AP-1 errepidean, Iruraiz-Gaunan (Araba), eta errepidea itxi behar izan dute Irungo noranzkoan.
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.