21 urteko kartzela zigorra ezarri diote gizon bati Atxurin bikotekide ohia hiltzen ahalegintzeagatik
Bizkaiko Auzitegiak 21 urteko kartzela zigorra ezarri dio gizon bati Atxurin bikotekide zuen emakumea hiltzen saiatzeagatik, EAEko Justizia Auzitegi Nagusiak gaur zabaldutako epaiaren arabera. Halaber, 600.000 euroko kalte ordaina eman beharko dio biktimari eragindako "erredura larriengatik" eta ondorio fisiko eta psikikoengatik.
Epaimahaiak frogatutzat jo du gizona bikotekidea hiltzen ahalegindu zela "Ertzaintzaren edo epaitegiaren aurrean ez zuela salatuko ziurtatzeko". Horren arabera, erasotzailea eta biktima inplikatuta zeuden beste auzi bat tarteko bikotekide ohiak salatu egingo zuela sinistuta zegoen.
Hilketa saiakera 2022ko apirilaren 30ean gertatu zen Bilboko Atxuri auzoko lonja batean. Epaian jasotzen denez, erraz su hartzen duen sustantzia bat bota zion gizonak emakumeari "erredura larriak eraginez, bereziki, aurpegian".
Gainera, kalte material handiak eragin zituen bikotea bizi zen lonja horretan ez ezik, eraikinean eta inguruko etxebizitzetan.
Hala ere, epaimahaiak ez du genero astungarria aplikatzeko arrazoirik ikusi. Ildo horretan, frogatutzat jo du gizonak ez ziola eraso egin emakume izateagatik beste delitu batengatik salatu zezakeelako baizik. Beraz, epaimahaiaren arabera, genero astungarriaren tesiak sendotasuna galtzen du. Aitzitik, aintzat hartu ditu ahaidetasun astungarria eta akusatuaren alterazio psikikoa.
21 urteko kartzela zigorra beteta, 5 urtez zaintzapean egongo da. Gainera, erasotzailea ezingo da biktimarengana gerturatu (500 metroko distantzia gorde beharko du, gutxienez), ezta berarekin komunikatu ere.
Epaia ez da irmoa eta aldeek helegitea jar diezaiokete EAEko Justizia Auzitegi Nagusiaren aurrean.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.