Jaia lehertu da Iruñean
Hunkituta bota dute Duguna dantza taldeko kideek aurtengo sanferminei hasiera eman dion suziria. 12:00etan puntu-puntuan piztu dute metxa, eta orduan lehertu da festa, eguraldiak ere horretarako baimena emanda.
"Pamplonesas, pamploneses: ¡Viva San Fermín!, Gora San Fermín!" formula aukeratu dute Dugunako ordezkariek jaien hasiera iragartzeko. Taldearen ordezkari gisa, Aritz Ibañez Dugunako zuzendaria, Angel Arana elkarteko presidentea eta Itxaso Martinez de la Pera dantzaria izan dira. Horiek piztu dute metxa Udaletxeko balkoian, jendez gainezka zegoen plazaren aurrean. Horrela ekin diote bederatzi eguneko festa etengabeari.
Azken orduotan ekaitz gogorrak izan ostean, eguraldiak jaiei hasiera eman dien unea errespetatu du eta ez du euririk egin. Iruindarrek eta kanpotarrek pozez oihukatu dute 'Gora San Fermin', eta zapi gorria lepoan lotuta ekin diote festari.
Bederatzi eguneko egitaraua
Festa hasi besterik ez da egin, eta ehunka ekitaldi izango dira uztailaren 14ra bitartean. Musikak eta tradizioek bat egingo dute Nafarroako hiriburuan. Kontzertuak izango dira Foruen plazan eta Gazteluko plazan, eta gaiteroak, txistulariak eta musika bandak ikusteko aukera izango da kaleetan barrena.
Etxeko txikienek ere izango dute festaz gozatzeko aukera. Hainbat ekitaldi antolatu dituzte horientzat, baina, dudarik gabe, erraldoi eta buruhandien konpartsak erakarriko ditu gehien.
Goizero, entzierroak izango dira Iruñean. Uztailaren 7tik 14ra egingo dira, eta EITBk zuzenean emango ditu egunero, 07:45etik aurrera, ETB1en eta eitb.eus-en.
Zure interesekoa izan daiteke
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.
Giroa lehortuko du igandean iritsiko den hego-haizeak
Tenperatura minimoek behera egingo dute, baina maximoek, gora. Kostan, abisu horiak egongo dira, olatuen indarragatik.
Gripearen aurkako txertoa jartzeko deia egin die Osasun Sailak 60 urtetik beherakoei, bereziki haurrei
Aste honetan 889 gripe-kasu izan dira, eta horietatik % 6,2 baino ez dira ospitaleratu; aurreko astean, berriz, % 10 izan ziren. Jaitsiera horrek erakusten du txertaketak kasu larriak murriztu ditzakeela.