'Gaixoa ni' kantatu aurretik, bada aukerarik oraindik Iruñean festaren azken orduez gozatzeko
Igande honetan, uztailak 14, 2024ko sanferminez gozatzeko azken eguna dute iruindarrek eta uztailaren 6an jaiak hasi zirenetik Nafarroako hiriburuan dabiltzan Iruñetik kanpoko herritarrek; izan ere, igandean egingo dira, besteak beste, 2024ko azken entzierroa, San Ferminen Zortziurrena, Erraldoi eta Buruhandien agurra eta Kulturen Kalejira, eta egunari eta aurtengo jaiei amaiera emango dien "Gaixoa ni" abestia.
La Pamplonesa taldearen musikarekin hasiko da eguna. Erdiguneko kaleak girotuko ditu lehen orduetan, eta, ondoren, 08:00etan, zortzigarren eta azken entzierroa egingo da, azken hamarkadetako ohiturari jarraituz, Miura ganadutegiko zezenekin.
09:30ean, Erraldoi eta Buruhandien Konpartsa Ezpeleta Jauregitik irtengo da, eta Alde Zaharreko kaleetan barrena ibiliko da ibilbidea Udaletxe plazan amaitzeko.
10:45ean, Udalbatza udaletxetik San Lorentzo elizara abiatuko da, han San Ferminen Zortziurreneko elizkizuna egingo baita.
Zortziurrenaren ostean, hiriaren omenez eta Iruñeko alkatearen eta Udalbatzaren aurrean dantzatzeko Udaletxe plazara itzuli ondoren, Erraldoi eta Buruhandien Konpartsaren agurra iritsiko da. Iaz Gazteluko plazan egin bazen ere, aurten Udaletxe plazan egingo da berriro, betiko moduan.
17:30ean, Mazedonia Kulturen Kalejiraren beste ekitaldi bat hasiko da, kultur aniztasunaren alde lan egiten duten elkarte, erakunde eta kolektiboetako 1.200 pertsona baino gehiagoren parte-hartzearekin.
Arratsaldeko azken orduan, jaietako haur eta gazteentzako guneak itxiko dituzte. 20:30ean itxiko dituzte Media Lunako Kirolari Sport Kids eta Takonerako Birjolastu guneak.
21:00etan, Askatasun plazan kokatutako Hauek festak hauek! gunea itxiko da, eta 22:30ean Foruen plazako musika-emanaldiak eta gazteen guneko jarduerak amaituko dira.
Ixteko, su-festak eta 'Gaixoa ni'
Jaietako azken bi ekitaldi nagusiak, ohi bezala, su artifizialen jaurtiketa eta 'Gaixoa ni' izango dira.
23:00etan, Pedro Alonso Fernandez Vidal diseinatzaileak eta Pibierzo Pirotekniak bere lana erakutsiko dute, Nazioarteko XXIII. Su Artifizialen Lehiaketari amaiera emanez.
Eta uztailaren 6ko eguerdian Txupinazoarekin hasi ziren sanferminetako 204 orduei amaiera emateko, 'Gaixoa ni' abesteko ordua iritsiko da. Udaletxe plaza berriro beteko da aurtengo jaiei agur esateko eta 2025eko sanferminetarako atzerako kontaketa hasteko.
Joseba Asiron Iruñeko alkatea, Udalbatzarekin batera, udaletxeko balkoira aterako da 'Gaixoa ni, gaixoa ni, hurrengo urtera arte ez da festarik' eta '1 de enero, 2 de febrero, 3 de marzo' kantuak abestera. Burgoen plazatik jaurtitako traka batek emango die amaiera jaiei.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.