Bi pertsona erreskatatu dituzte mozkor eta hipotermia arinarekin, Lagako hondartzatik milia erdira
Joan den asteazken gauean, Laga hondartzatik (Bizkaia) milia erdira zegoen ontzi bateko bi tripulatzaile erreskatatu zituen Guardia Zibilak, mozkortuta eta hipotermia zantzu arinekin.
Guardia Zibilak gaur jakinarazi duenez, joan den asteazkenean, 22:19 aldera, Rio Lea patruila-ontziarekin inguruan lanen ari ziren agenteek abisu bat jaso zuten, Lagako hondartzatik gertu bi pertsona zeramatzan ontzi bat hondoratzen ari zela jakinarazteko.
Gaueko ordu horietan ia argirik ez zutenez, eta itsaskia areagotzen ari zenez, guardia zibilak Bermeoko portutik patruila-ontzi batekin abiatu ziren, eta Bizkaiko Gurutze Gorriaren eta Itsas Salbamenduaren laguntza izan zuten.
Abisua jaso eta hamaika minutura, guardia zibilek uretatik 10 zentimetro ateratzen zen ontzia aurkitu zuten. Hori dela eta, berehala gelditu zuten motorra, ur gainean egon zitekeenari minik ez egiteko, eta isiltasuna baliatu zuten bidaiarien oihuren bat edo zarataren bat entzuteko.
Azkenik, ontzitik 50 metrora ikusi zituzten bi gizonak uretan, egurrezko ohol bati eta arraun bati helduta, laguntzeko keinuak eta oihuak eginez.
Itsasoan galdutakoak erreskatatu eta Guardia Zibilaren ontzian eraman zituzten Bermeoko portura, eta Itsasoko Gurutze Gorriak azterketa medikoa egin zien. Erreskatatuek hipotermia sintoma arinak eta mozkor-zantzuak zituzten. Hori dela eta, Ertzaintzaren patruila bat deitu zuten alkoholemia-proba egiteko.
Albiste gehiago gizartea
Zerura begira San Joan bezperan
Iparraldean ostarteak zabalduko diren arren, adi hegoaldean, zaparrada trumoitsuak bota baititzake iluntzean.
Bederatzi pertsona zauritu dira auto batek harrapatuta, Galdakaon
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Juan jaietan. Dirudienez, ibilgailua kontrola galdu du biribilgune batean derrapatu ondoren, eta hesiaren atzean zeuden ikusleak aurretik eraman ditu.
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.