Hiru pertsona larri zauritu dira Bartzelonan autobus batek izan duen istripu ikusgarrian
Gutxienez hiru pertsona larri zauritu dira C-32 errepidean, Pineda de Marren (Bartzelona), autobus batek izandako istripuaren ondorioz. Autobusak Inditex enpresako 50 langile inguru zeramatzan, eta Tordera eta Santa Susana udalerriak lotzen dituen tunelaren sarreran irauli eta zintzilik geratu da. Bidaiari guztiak atera dituzte larrialdi zerbitzuek, baita autobus gidaria ere, bi orduz barruan harrapatuta egon ondotik.
Istripua 08:30ak pasatxoan gertatu da. Lehen hipotesien arabera autobusaren gurpil bat lehertu da, gidariak kontrola galdu du eta bazterreko hesi gainera igo eta aurrerantz egin du tunel sarrerako uztai gainean igo da eta trabatuta geratu, eta atzealdea errepidean bertan, trabeska airean. Langileak Inditexek Torderan duen lantegira zeramatzan autobusak.
Osasun zerbitzuek 47 pertsona artatu dituzte denera, hauetatik 3 larri daude erietxeratuta.
Autobusa tunel sarreran gelditu denez, ondoren beste hainbat ibilgailuk istripua izan dute eta osatu diren auto ilarak 20 kilometrokoak izatera iritsi dira. Larrialdi zerbitzuek bidaiari guztiak atera dituzte baina autobus gidaria autobus barruan harrapatuta egon da, eta azkenean, 11:00k aldera, ateratzea lortu dute.
Xavier Amor Pine de Marreko alkateak TV3n egindako elkarrizketa batean azaldu duenez, pabiloi bat prestatu dute kaltetuentzat: "Etengabe harremanetan gaude elkarlanean ahalik eta ondoen joateko" eta esan du "irudiak ikusi ondoren, zauritu larririk ez dagoela baieztatzen bada, miraria izango dela".
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.