Araban eta Nafarroan iragarrita dagoen bero itogarriak alerta laranjan jarriko du gaur Erribera
Bero itogarria, 36-40 ºC arteko maximoekin. Hori da datozen egunetarako iragarri dutena Euskal Herriko hainbat puntutan. Eusko Jaurlaritzako Segurtasun Sailak abisu horia ezarriko du beroagatik gaur, osteguna, Arabako hegoaldean. Nafarroan, oraindik are eta bero handiagoa egingo du eta Espainiako meteorologia agentziak alerta laranja ezarriko du Erribera, termometroa 40 graduren bueltan ibiliko baita. Lurraldearen gainerako tokietan abisua horia izango da indarrean ostegunean.
Kosta egin da, baina azkenean iritsi da uda honetako lehen beroaldia. Hala, 13:00etatik 20:00ra arte Euskalmetek abisu horia ezarriko du Arabako Errioxan muturreko tenperaturak tarteko. Litekeena da 36 graduko maximoak izatea ordu tarte horretan Arabako hegoaldeko zenbait herritan. Gainera, baso-suteen arriskuagatik ere abisu horia aktibatuko da eguerditik 22:00ak arte.
Foru Erkidegoan, bestalde, Aemetek abisu horia jarriko du indarrean 13:00etatik 20:00etara Pirinioetan eta Nafarroa erdialdean; izan ere, 36 gradura irits daiteke tenperatura. Erriberabeitian, berriz, bero gehiago egingo du eta alerta laranja ezarriko dute eguerditik aurrera, 40 graduko maximoekin. Iragarpenaren arabera, Tuteran edo Lodosan, adibidez, 39 gradurainoko tenperaturak espero dira.
Ostiralerako iragarpena
Ostiralean ere bero egingo du, eta Arabar Errioxan Euskalmetek abisu horiari eutsiko diola iragarri du arratsaldeko 13:00etatik 20:00ak arte. Baso suteen arriskuagatiko abisua ere mantenduko du.
Foru Erkidegoan, berriz, Nafarroako erdialdea eta Erribera abisu horian egongo dira 13:00etatik 20:00etara. Iruñean, adibidez, termometroak 35 graduak gaindituko ditu.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.