Ia 2 milioi joan-etorri erregistratu dira Biriatuko pasabidean ekainaren amaieratik, iaz baino %2,5 gehiago
Uda hasieratik 1.90.000 joan-etorri zenbatu dira Biriatuko mugako pasabidean, bi noranzkoetan, 2023an baino % 2,5 gehiago. Oro har, Afrika iparraldera eta, neurri txikiagoan, Portugalera joateko zeharkatzen dute muga. Hala azaldu du, gaur, Estibaliz Olabarri Eusko Jaurlaritzako Trafikoko zuzendariak Irunen, A-8 autobidearen ordainlekuaren parean, egin duen agerraldian, Udako Irteera-Itzulera Operazio Bereziaren lehenengo balantzea egiteko. Nazioarteko trafikoaren "igoera txikia eta joan-etorrien normaltasuna" nabarmendu ditu.
Era berean, Olabarrik gogorarazi du Parisko Olinpiar Jokoak direla eta, abuztuaren 11ra bitartean Frantziako Jendarmeriak kontrolak areagotuko dituela Biriatuko ordainlekuan, eta ilarak sor daitezkeela. "Aurreikuspena eta pazientzia" eskatu dizkie egun horietan iparraldera joateko asmoa duten herritarrei.
Bestalde, ohi bezala, jakinarazi du nazioarteko trafikoaren igoera horren ondorioz, EAEko errepide sareko gune estrategikoetan seinalizazioak indartuko direla, eta operatibo bereziak jarri ere bai.
Barneko fluxuei dagokienez, oraingoz, iazkoak baino zertxobait handiagoak direla ere esan du Trafiko arduradunak. Kantabriako noranzkoan izan dira pilaketarik handienak.
Ekainaren 28an irteera operazioa hasi zenetik, datorren astebururako espero da trafiko gehien EAEko errepide sarean. Oporrak abuztuan hartuko dituztenen irteerako trafikoa eta uztailean hartu zituztenen itzulerakoa elkartuko dira.
Lehen balantzearen arabera, 3 pertsona hil dira EAEko errepideetan azken hilabetean izandako istripuetan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.