Poliziak 18 emakume askatu ditu Adunako prostituzio etxe batean
Espainiako Poliziak 18 emakume askatu ditu Adunan, giza trafikoaren aurkako operazio batean. Emakumeak prostituzio etxe batean bezeroekin sexu-harremanak izatera behartzen zituzten. Tabernako jabea atxilotu egin dute eta haren bikotekidea ikerketapean dago, hainbat delitu egotzita: prostituzioarekin lotutako delituak, langileen eskubideen kontrakoa, droga-trafikoa eta sexu-askatasunaren aurkakoa. Atxilotua kargupean aske utzi dute, epaiketaren zain.
Espainiako Gobernu ordezkaritzak baieztatu duenez, ekainean joan ziren poliziak Adunako prostituzio etxera, ohiko ikerketa bat egitera. Lokalera sartu, eta bertan zeuden emakumeekin hitz egin zutenean, poliziek ikusi zuten goitizen bidez agertzen zirela emakumeak bertako kontabilitatean, sexu harremanak izatera behartzen zituztela, batzuetan jabeak emakumeei ukitu sexualak egin eta sexu harremanak izatera behartzen zituela, eta prostituzioaren bidez lortzen zuten irabazien zati handi bat beretzat gordetzen zuela jabeak.
Prostituzio-etxea 24 ordu, gau eta egun, zegoen zabalik, eta emakumeek poliziari azaldu diotenez, lokalean droga trafikoan ere aritzen ziren; bezeroek bertan erosi eta kontsumitzen zuten droga. Agenteak bertaratu ziren egunean, 26.000 euro aurkitu zituzten dirutan, eta 75 gramo kokaina ere atzeman zituzten.
Halaber, Poliziak zehaztu duenez, emakumeek kontatu dute egun bakoitzeko 20 euro ematen zizkietela jabeari, eta zerbitzu bakoitzeko beste 10 (60 euro kobratzen zituzten),
Emakumeetako batek poliziei azaldu die jabeak ukituak egin izan dizkiola, eta beste batek, berriz, esan du sexu-harremanak izatera behartu zuela atxilotuak, lokaletik kanporatuko zuen mehatxua eginez.
Kristina Rodriguez Adunako alkateak gogor salatu du emakume horiek pairatutako sexu-esplotazioa:
Albiste gehiago gizartea
Eusko Jaurlaritzak 38 kutxazain automatiko berri jarriko ditu landa eremuko herrietan
Udalerri horiek bete beharko dituzten baldintzak honakoak dira: 300 biztanle baino gehiago izatea, egun hurbilen duten kutxazaina 8 kilometrora edo gehiagora egotea edota urtean 100.000 turista baino gehiago jasotzea.
Pasaiako 'Beti Aingeru' ontziko tripulazioko kideek ukatu egin dute matxinatu zirela eta patroiari eraso ziotela
Armadoreak atzo emandako bertsioa ukatu bakarrik ez, harengandik jasotako tratua salatu dute. "Zaborra gainera bota zigunean esan genuen ezin genuela gehiago", azaldu dute.
Bernedoko udalekuan egondako hiru adingabe deklaratzera deitu dituzte
Ertzaintzaren atestatuan identifikatuta agertzen diren hiru adingabe deitzea erabaki du auziaren ardura duen Gasteizko Instrukzioko 3. epaitegiak, "biktima-lekuko" gisa deklara ditzaten.
Denboralea gogor astintzen ari da Balear Uharteak
Eivissa eta Formentera uharteetan alerta gorria ezarri dute hamabi orduan metro koadroko 180 litro pilatuko direlako. Estatuko Meteorologia Agentziak (Aemet) "kontuz ibiltzeko" eskatu du, "uholdeak eta bat-bateko ur-goraldiak izan daitezkeelako".
Eider Mendoza: "Bernedoko udalekuen kasuan gertatutakoa argitu behar da, inor jomugan jarri gabe, baina arduraz"
Eider Mendoza Gipuzkoako ahaldun nagusiak Bernedoko udalekuen inguruan sortutako "kezka" izan du hizpide, eta nabarmendu du beharrezkoa dela "lehenbailehen argitzea bai udalekuetan gertatutakoa, bai auzitegietan gertatutakoa". Horrez gain, adingabeen familiei babes osoa eman die.
Walk On Project Fundazioak WOP Challenge eta XIII Estropatada egingo ditu asteburuan Bilbon
Zientziaren eta gaixotasun neurodegeneratiboen ikerketaren aldeko sentsibilizazioa lortu nahi dute, ekitaldi berezien bitartez.
'Johan de Witt' NATOren ontzi ezagunak geldialdia egin du Bilbon
Herbehereetako Errege Armadako 'HNLMS Johan de Witt' ontzi anfibioa Bilboko portuan egongo da urriaren 2ra arte, NATOk Portugalen egindako maniobra batzuetan parte hartu ondoren.
772 kokaina kilo atzeman dituzte Hendaian
Kargamentuak 31 milioi euroko balioa du. Iraileko hirugarren esku-hartzea izan da.
Mendozak Bernedon gertatutakoa "lehenbailehen" argitzeko eskatu du, "inor jomugan jarri gabe, baina erantzukizunez"
"Adingabeez ari gara, eta, horiek babesteko, Gipuzkoako Foru Aldundiak ezin du xehetasunik eman", adierazi du ahaldun nagusiak.
"Bazkari solidario hauekin, gorputza eta arima elikatu nahi ditugu"
Bizkaiko 250 sukaldarik osatutako Bisubi Fundazioak 'Utopia Isila' ekimena jarri du abian. Hilean behin, egoera zaurgarrian dauden pertsonaz osatutako talde bat gonbidatuko dute esperientzia gastronomiko batera, jankide horien “gorputza eta arima” elikatzeko helburuarekin. Lagun Artean elkartea gonbidatu dute iraileko otordura.