Ezbehar larria Nafarroan
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Hildako bat eta bi zauritu larri Murchanten, kamioi batek eta furgoneta bate aurrez aurre talka eginda

Hildakoa Corellako 58 urteko bizilaguna da. Kamioilaria onik atera da, furgonetako bidaiarietako bat hil egin da eta beste bi, 47 eta 36 urtekoak, larri zauritu dira, eta Tuterako Sofia Erregina Ospitalera eraman dituzte.
Ezbehar larria Murchanten (Nafarroa). Irudia: Foruzaingoa
Ezbehar larria Murchanten (Nafarroa). Irudia: Foruzaingoa

Agentziak | EITB Media

Azken eguneratzea

Corellako 58 urteko bizilagun bat hil da eta 47 eta 36 urteko bi pertsona larri zauritu dira Murchanten (Nafarroa), furgoneta batek kamioi baten aurka talka eginda.

Foruzaingoak jakinarazi duenez, ezbeharra 15:54an gertatu da, NA-160 errepideko 6,7 kilometroan, bi ibilgailuek aurrez aurre talka egin dutenean.

Kamioilaria onik atera da, baina furgonetako bidaiarietako bat hil egin da eta beste bi larri zauritu dira. Tuterako Sofia Erregina Ospitalera eraman dituzte.

Tuterako foruzainek zirkulazioa bideratu dute, eta Argiketen ataleko talde batek ikerketa abiatu du gertatutakoa argitzeko. Tuterako suhiltzaileak, anbulantziak eta talde medikoa ere bertaratu dira.

Tutera Trafiko Istripuak Gizartea Eguneko Titularrak Corella Foruzaingoa Nafarroa Trafikoa

Zure interesekoa izan daiteke

Gehiago ikusi
Publizitatea
X