EH Bilduk "indarkeria matxista larritzat" jo du ertzain batek bikotekidearen aurka egindako erasoa
Donostiako EH Bilduk "indarkeria matxista larritzat" jo du ertzain batek bere bikotekideari egindako erasoa. Ustezko erasotzaileak sexua aldatu zuen azaroan eta, horren harira, Izar Hernando EH Bilduko zinegotziak salatu du "trans legearen ustezko iruzurra" egin zuela ertzain horrek "Indarkeria Matxistaren kontrako legeari iskin egiten saiatzeko".
"Txomin-Eneako erasoaren kasuan, argi utzi nahi dugu indarkeria matxista larri baten aurrean gaudela. Gogor salatzen ditugu auzi honetan dauden delitua eta ustezko iruzurra: indarkeria matxistaren erasoa (bikote zein alabekiko), eta Trans legearen ustezko lege iruzurra Indarkeria Matxistaren kontrako legeari iskin egiten saiatzeko, adierazi du Hernandok ohar batean.
Zinegotziak gaineratu du erasotzaileak genero aldaketa egina duen arren, "gizon gisa sozializatzen ari dela, bere lanean eta egunerokoan".
Hernandok gaineratu du "tratu txar jokabideak aspalditik badatoz edo jokabide ezegokien aurrean egiten den estrategia dela argitzen bada" erasotzaileari Trans Legeak barneratzen duen agrabantea ezarri beharko zaiola.
Horrez gain, EH Bilduk Segurtasun Sailari neurri disziplinario zorrotzak hartzeko eskaera egin dio, "ertzain hori Ertzaintzatik behin betiko kanporatzeko".
PPk neurriak eskatu ditu
Bestalde, Alderdi Popularrak Espainiako Gobernuari eskatu dio, trans legea erabiliz, sexua aldatzen duten erasotzaile matxisten kasuan neurriak hartzeko.
"Konpondu beharreko egoera bat dago, argi baitago trans legeak defentsa-gabezia eta birbiktimizazioa eragiten ari dela genero indarkeriaren biktimentzat", adierazi dute PPtik.
Albiste gehiago gizartea
Gasteizko Mugimendu Feministak "intentsitate handiko" bi sexu-eraso salatu ditu ostegun gauean
Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.
Neolitoko kanibalismoaren aztarna berriak aurkitu dituzte Atapuercan
Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.
Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte
Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.
Donostiako Amara auzoan kalean bizi diren 50 pertsona migratzaileei Arantzazun ostatu emango diete
Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.
Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Osakidetzak haurrei I motako diabetesa goiz detektatzeko Estatuko lehen azterlana abiatu du
6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
EAEk 2.355 biztanle irabazi ditu bigarren hiruhilekoan, atzerritarren etorrerari esker
Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.