Laudioko gobernu taldeak salatu du pertsona bat hil dela ZIU mugikorrean medikurik ez egoteagatik
Laudioko Udaleko gobernu taldeak eta Ainize Gastaka alkateak salatu dute bizilagun bat hil dela Arabako udalerriko "ZIU mugikorrean medikurik ez egotearen ondorioz".
Bestalde, Osasun Sailak EFEri egindako adierazpenetan azaldu duenez, pazienteak bihotzeko lesio "oso larria" zuen, eta Osakidetzak eskura zituen baliabideak "une bakoitzean zuen informazioarekin" mobilizatu zituen. Ospitalean hil zen, anbulantzia batean eraman ondoren.
Osasu Sailaren arabera, ostiral goizaldean, pazientea bere etxean suspertu ahal izan zuten bihotz-geldialdi baten ondoren, eta, aldi berean, bizi-euskarri aurreratua duen anbulantzia bat eskatu zioten Bilboko koordinazio-zentroari. Anbulantzia hori "15 minutuan iritsi zen etxera, Bizkaiko ospitale batera eramatea erabaki zuten mediku anestesistekin".
"Pazienteak tratamendu espezializatua jaso zuen, bihotz-kateterismoa barne, baina, zoritxarrez, bihotzeko lesioa oso larria zen eta heriotza eragin zion", azaldu du.
Osasun Sailak berretsi du bere helburua dela, ahal den guztietan, larrialdi mediko guztietan erantzun-denborak eta asistentziaren kalitatea hobetzea.
Egoera "onartezina" da Udalarentzat
Ohar batean, gobernu taldeak egoera "onartezina" dela esan du. "Berriz ere herritarren bizitzak arriskuan jartzen dituzten politiken ondorio tamalgarriei aurre egin behar diegu Laudion. Momentu hauetan egoera lazgarri hau pairatzen ari diren familien ondoan jartzen gara, beraien dolua herritar guztiona bilakatu da, are gehiago herriko jaiak ospatzen ari garen egun seinalatu hauetan", adierazi du alkateak.
Larrialdietarako plan bat eskatu du PPk
Bestalde, Laura Garrido EAEko PPko idazkari nagusiak "berehalako neurriak" eskatu dizkio Eusko Jaurlaritzari Osakidetzan, baita Larrialdi Zerbitzurako plan bat ere; izan ere, Jaurlaritzaren neurriak, "argi eta garbi, ez dira nahikoak izan", eta horren erakusgarri da "zorigaiztoko gertaera, dirudienez, behar bezalako arretarik ez izateagatik hil baita".
"Premiazko osasun-arretak berehalako neurriak eskatzen ditu Euskadin, eta neurri horiek ezin dira atzeratu, ezta egun bat gehiago ere. Berriro eskatzen dugu Euskadiko larrialdi-zerbitzurako talka-plan bat, bai gailuak birdimentsionatzeko, bai behar bezala hornitzeko. Anbulantzia medikalizatuez ari bagara, mediku bat izan behar du", esan du Garridok Europa Pressi egindako adierazpenetan.
Zure interesekoa izan daiteke
Hondarribiko jaietan gertatutako hiru eraso matxista salatu ditu Udalak, eta bi gizon atxilotu dituzte
Udalak indarkeria matxistaren adierazpen guztiak "irmo" gaitzetsi ditu. Bestalde, Ertzaintzak 21 eta 42 urteko bi gizon atxilotu ditu, sexu erasoa eta emakumeen aurkako indarkeria leporatuta, hurrenez hurren. Halaber, hirugarren pertsona bat ikertzen ari dira.
Gizon bat atxilotu dute Berriozarren, labanak eskuan hartuta bikotekide ohiarekiko urruntze agindua urratzeagatik
Bikotekide ohiari eraso egiten saiatu ondoren, garaje bateko segurtasun kamerak kendu eta emakumearen ibilgailuaren gurpilak zulatu zituen.
Gasteizko Alde Zaharra birgaitzeko plan berriak 35 hotel jartzea baimenduko du
Alde Zaharraren 'Birgaitze Integraturako Plan Berezia' izeneko ituna adostu dute PSEk, EAJk eta PPk. Plan horren arabera, lekuz aldatuko diren tabernei lizentzia mantenduko zaie, eta eraikin osoetako 35 hotel, gehienez jota, jarri ahalko dira.
Iaz baino sagar gutxiago bilduko dira aurten, baina indar handia dakarte sagardorako
Sagar uztaren aurkezpena egin dute Villabonako Otalarre sagastian; izan ere, lehortea dela eta ohi baino lehenago hasi dira batzen aurten sagarra. Unai Agirre Euskal Sagardoa Jatorri Deiturako koordinatzaileak adierazi duenez, iazkoarekin alderatuta, % 60 murriztu da bildutakoa. Guztira, milioi bat eta erdi kilo jasotzea aurreikusi dute. Usain eta gustu handia izango dutenez sagarrek, sagardoak alkohol gehiago izango du.
EAEko Justizia Auzitegi Nagusiak baliogabetu egin du euskal administrazioan euskararen erabilera arautzen duen dekretua
Euskal Autonomia Erkidegoko Auzitegi Nagusiak memoria ekonomikoan dauden gabeziengatik baliogabetu du Voxek errekurritu zuen araua.
Ehun bat ikuskapen egin dituzte uda honetan EAEko udalekuetan
Eusko Jaurlaritzak hiru ikuskatzaile-plaza sortu zituen, Bernedoko udalekuetan adingabeen sexu-askatasunaren aurkako ustezko delituak salatu ondoren.
Lukas Aguirreren hilketagatik zigor handiena duenak helegitea aurkeztu du, homizidio delitu gisa epaitu dadin
Defentsak Auzitegiari eskatu dio 20 urteko zigorra murriztu dezala, argudiatuz hilketa borroka batean jazo zela eta akusatuak politoxikomaniaren muturreko koadro bat zuela. Donostiako erdiguneko diskoteka baten kanpoaldean gertatu zen, 2022ko abenduaren 25eko goizaldean
Pisako emaitzak hobetzeko autoexijentzia eta Hezkuntza Sistemarekiko konfiantzaren alde egin du Pedrosak
Radio Euskadiko Boulevard saioan egin dioten elkarrizketan Begoña Pedrosa Eusko Jaurlaritzako Hezkuntza sailburuak azaldu duenez, ikasleen irakurketa gaitasuna hobetzeko neurriak ezartzen ari dira ikastetxeetan, PISA txostenaren emaitza txarren ondorioz.
Nafarroako bizilagun bat identifikatu dute Internet bidez debekatutako armak saltzeagatik
Guardia Zibilak webgunea behin-behinean blokeatu du, eta titularra administrazio-zehapena jartzeko proposatu du.
Bonelli arranoa itzuli da: bi kume jaio dira eta itxaropena berpiztu da Nafarroan
Urteetan, Bonelli arranoa desagertzeko zorian egon da Araban eta Nafarroan. Ale berriak ekarri dituzte eta bertakoekin ugaldu dira. Kumeak izan dituzte, bi, Nafarroan: Ida eta Ondallu.