Espainiako Vueltak trafiko-mozketa ugari eragingo ditu gaur Gasteiz eta Maeztu artean
Espainiako Vueltak trafiko-mozketa ugari eragingo ditu ostegun honetan Arabako hainbat errepidetan, Gasteiz eta Maeztu artean.
18. etapa izango da ostegunekoa, eta Mendizabalako aparkalekutik abiatuko da txirrindulari proba. 13:05erako dago aurreikusita irteera. Aurrena, hiriko erdiguneko kaleak zeharkatuko ditu, eta Gaztelako Atetik aterako da hirigunetik. Arabako Aldundiak jakinarazi duenez, ibilbideko kaleak itxi egingo dira ibilgailuentzat, arratsaldeko lehen orduan, eta Alavabuseko zerbitzuei ere eragingo die.
Behin hiria atzean utzita, Añanako, Arabako Errioxako eta Mendialdeko errepideetan barrena Maezturaino joango dira txirrindulariak, eta han 17:19an amaituko da osteguneko lasterketa.
Bigarren mailako errepideetan izango diren trafiko mozketak:
- A-132 errepidean trafikoa 08:00etatik 20:00etara moztuko da, 13,3 kilometroaren (Alegiako bidegurutzea-Azazetako mendatearen hasiera) eta 38 kilometroaren (Santikurutze Kanpezu - Bernedoko bidegurutzea) artean, eta Estella-Lizarrara edo Vitoria-Gasteizera doazen ibilgailu guztiei eragingo die.
- A-4124 errepidean trafikoa 08:00etatik 20:00etara moztuko da, 26,2 kilometroaren (Maeztu) eta 36,9 kilometroaren (Durruma Kanpezuko bidegurutzea) artean.
- Rivas de Teresoko mendaterako sarbidea (A-3202) 10:30etik moztuko da, bandera berdea igaro arte; Urizaharretik eta Bastidatik etengo da trafikoa.
- Herrera mendaterako sarbidea (A-2124) 10:30etik moztuko da, bandera berdea igaro arte; Urizaharretik, Pipaonetik eta Lezako bidegurutzetik etengo da trafikoa.
- N-102 errepidean, 12:40etik, Mariturriko biribilgunearen eta A-3302 errepideko bidegurutzearen artean.
- A-3302 errepidean, 12:40etik, A-1 errepidearen eta Langraiz Okako bidegurutzearen (A-3308) artean.
- A-3008 errepidean, 12:40etik, A-3302 errepidearen eta Langraiz Okaren artean.
- A-2622 errepidean, 12:45etik, Langraiz Okako bidegurutzearen eta Anuntzetaren artean.
- A-3310 errepidean, 12:50etik, Pobesko trenbide-pasaguneko bidegurutzearen eta Mimbredoren artean.
- A-2622 errepidean, 13:00etatik, A-4316 errepidearekiko bidegurutzearen eta Espejoren artean.
- A-2625 errepidean, 13:15etik, Espejo eta Larrazubi artean.
- A-2122 errepidean, 13:25etik, Larrazubi eta Zuñiga artean.
- A-3312 errepidean, 13:35etik, Zuñiga eta Ribabellosa artean.
- A-4304 errepidean, 13:40etik, Ribabellosako industrialdearen eta Ribagudaren artean.
- N-124 errepidean, 13:50etik, Lacervillako irteeraren eta A-2120 errepideranzko irteeraren artean.
- A-2120 errepidean, 13:55etik, Zambranako ordainlekuko biribilgunearen eta Berantevillarako biribilgunearen artean, A-3126 errepidetik.
- A-3126 errepidean, 13:55etik, A-2120 errepideko bidegurutzearen eta Urizaharraren artean.
- A-124 errepidean, bi ordu-tartetan: 14:35etik, Bastida eta Errioxako mugaren artean, eta 15:15etik, Guardiako gasolindegiaren eta Lezaren artean.
- A-3214 errepidean, 14:45etik, Samaniego eta Eltziego artean.
- A-4208 errepidean, 15:00etatik, Eltziego eta Lapuebla de Labarca artean.
- A-3216 errepidean, 15:05etik, Lapuebla de Labarca eta Guardia artean.
- A-3130 errepidean, 15:45etik, Urizaharraren eta A-126 errepidearekiko bidegurutzearen artean.
- A-126 errepidean, 16:05etik, A-3130 errepideko bidegurutzearen eta A-3136 errepideko bidegurutzearen artean.
- A-3136 errepidean, 16:10etik, A-126 errepideko bidegurutzearen eta A-4124 errepideko bidegurutzearen artean.
AP-68 autobidean izango diren mozketak:
- Pobesko ordainlekuan, 12:45etik 13:45era.
- Zambranako ordainlekuan, 13:30etik 14:30era.
Gidatu behar izanez gero, Eusko Jaurlaritzako Segurtasun Sailak ibilbide alternatiboak erabiltzea, denborarekin irtetea, Ertzaintzaren eta Udaltzaingoen jarraibideak jarraitzea eta errepideen egoera kontsultatzea gomendatzen du.
Zure interesekoa izan daiteke
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.