Behin-behinean espetxera bidali du epaileak Gasteizen emaztea hiltzen saiatu zen gizona
Gasteizko guardiako epaitegiak behin-behineko espetxealdi komunikatua eta fidantzarik gabea agindu du ostiralean emaztea hiltzen saiatzeagatik atxilotutako gizona.
Hilketa saiakera delitua leporatzen diote 84 urteko gizonari, 76 urteko emaztea sastzeagatik.
Ertzaintzak ostiralean atxilotu zuen gizona epailearen esku utzi dute larunbatean, eta Gasteizko guardiako epaileak espetxeratzeko eta hemendik aurrera instrukzioa emakumeen aurkako indarkeriaren epaitegira pasatzeko agindu du.
Erasoa ostiral goizaldeko laurak aldera izan zen, Pilar auzoko Kuba kaleko etxebizitza batean, bikotearen etxean bertan.
Antza denez, emakumeak hiru labankada jaso zituen gorputzaren ezkerraldean labana handi batekin, eta sastada horietako batek, larrienak, pneumotorax bat eragin zion. Biktima Gasteizko Txagorritxu ospitalean dago, larri.
Erakundeetako ordezkariek elkarretaratzea egin dute larunbat eguerdian Gasteizen, eraso matxista gaitzesteko. Elkarretaratzea Gasteizko Udaleko, Eusko Jaurlaritzako eta Arabako Foru Aldundiko ordezkariek egin dute, 'Vitoria-Gasteiz eraso matxisten aurka' zioen pankarta baten atzean.
Horren ostean, Maider Etxebarria alkateak babesa helarazi die biktimari eta senideei, eta osasun egoera "larria" duen emakumea lehenbailehen sendatzea espero duela adierazi du.
Zure interesekoa izan daiteke
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.