11 urte, mugikorra eskuratzeko batez besteko adina
Zein adin da egokiena seme-alabei mugikor propioa emateko? Hori da guraso askok euren buruei egiten dioten galdera nagusia eta seme-alabekin eztabaidatzeko arrazoietako bat. Estatuan, batez beste, 11 urterekin lortzen dute euren lehen mugikor propioa gaztetxoek.
Adin-tarte hori, gainera, oso antzekoa da erkidego guztietan. Extremadurakoak dira mugikorra izaten lehenengoak (10,47 urterekin) Azkenak, berriz, Galiziakoak (11,36 urterekin).
EAEko eta Nafarroako haurrak tartean daude: 11,01 eta 11,22 urte izan ohi da batez besteko adina, hurrenez hurren.
11 eta 12 urte bitartean izaten da jauzia gehienentzat. 11 urterekin gaztetxoen % 45,7k izan ohi dute bere mugikorra; 12 urterekin, aldiz, % 72ra igotzen da ehuneko hori. 14 eta 15 urte beteta, ia guztiek izaten dute smartphone bat: nerabeen % 94k baino gehiagok.
Gaztetxoek mugikor propioa jasotzen duten adinari buruz aritu gara orain arte, baina, egia esan, haurrak hori baino askoz lehenago trebatzen dira Internet erabiltzen.
2023an gurasoei egindako inkesta baten arabera, 5 urtetik beherakoen % 78k pantailak ongi ezagutzen dituzte. Gurasoek aitortzen dute haur txikienek ere tabletak erabiltzen dituztela marrazki bizidunak ikusteko edo jolasetan aritzeko. 2 edo 3 urteko haurrak senide heldu baten mugikorrarekin jolasten aritzea ohikoa dela diote.
Horrez gainera, 6 urtetik aurrera, kasu askotan, Interneterako sarbidea duen ordenagailu bat erabiltzen hasten dira eskolan hala eskatuta.
Albiste gehiago gizartea
Palestinako genozidioaren kontrako kazeroladak egin dituzte Euskal Herri osoan
Vueltako Bilboko etapan genozidioaren kontrako mobilizazio jendetsuen ostean, lapiko-hotsak izan dira nagusi gaur Euskal Herri luze eta zabalean, hiriburu zein udalerrietan.
Nafarroako Osasun Publikoak neurriak hartu ditu Erriberriko hegoaldean Legionella agerraldi bat eteteko
Mairaga Mankomunitatean bizi diren biztanleei eskatu die beren etxebizitzetan hainbat neurri hartzeko.
Hemen da "odol-ilargia": igande honetan izango da ikusgai ilargi-eklipse osoa
Fenomenoa begi hutsez ikusi ahal izango da, tresna optiko edo iragazkirik gabe, ez baita batere arriskutsua. Eklipsea 20:11n helduko da bere unerik gorenera.
EAEko Justizia Auzitegi Nagusiarentzat "diskriminatzailea eta legez kanpokoa" da Egogaingo (Eibar) zaintzaile lanpostu guztietan euskara eskatzea
Euskara eskakizuna ez egiaztatzeagatik Egogain egoitza publikoko zazpi langile egonkortzeko ezohiko prozesutik kanpo uztearen deuseztapena berretsi du azken epaiak.
Bikote bat epaituko dute Donostian, bi hilabeteko haurra astinduz haren bizia arriskuan jartzea egotzita
Zazpi urte eta zazpi hilabeteko espetxe-zigorra eskatu dute bikotearentzat. Haurrak lesio larriak jasan zituen 2023ko urrian jasandako astinduengatik.
Hasi da Lekeitioko Antzar Eguna!
Hasi da Lekeitioko Antzar Eguneko Antzar Jaiaren 2025eko edizioa. Gozatu festa osoaz, zuzenean, ETB1en eta eitb.eus-en.
Markina-Xemeingo zesta-punta komunitateari omenaldia eginez ospatuko du Eusko Jaurlaritzak Euskal Diasporaren Eguna
Mikele Irazusta diasporako artista argentinarrak diseinatutako mural bat sortuko du astelehenean bertan Markina-Xemeinen, dantza tradizionalak, stand kulturalak eta herriko eragileen eta Saint-Pierre eta Mikeluneko dantza taldearen partaidetza bilduko dituen jardunaldiaren barruan.
Hiru pertsona atxilotu dituzte Iruñean, etxebizitza abandonatu batean beste bati erasotzea egotzita
Akusatuak, 20, 21 eta 25 urtekoak, aske geratu dira. Ostegun goizaldean jazo zen istilua, Errotazar kalearen eta Arantzadiko Inguruneko kalearen arteko etxebizitza batean.
Justiziak Hondarribiko Alardea arautzen duen udal dekretua babestu du
Hondarribiko alkateak epailearen erabakia errespetatzeko eskatu du, tentsioak saihesteko.
Hainbat iruzur saiakerak alertan jarri dituzte Bizkaiko loteria-administrazioak
Joan den astean Bilboko Ledesma loteria-administrazioari 10.000 euroko iruzurra egiten saiatu ziren, Gabonetako 500 dezimo erosita. Horrelako iruzurrak egiteko, iruzurgileek transferentzia bat egiten dute hackeatutako kontu batetik, eta bankuak edo kontuaren jabeak eragiketa ezeztatu aurretik jasotzen dituzte dezimoak. Ledesma loteria-administraziotik Bizkaiko Loterien Ordezkaritzari ohartarazi zioten, gainerako administrazioei gertatzen ari zenaren berri eman ziezaieten.