Bilboko hilketa matxista salatzeko eta "aski da" esateko deia egin du mugimendu feministak
Yanely Gonzalesen senideek, lagunek, mugimendu feministak eta Santutxuko bizilagunek elkarretaratzeak deitu dituzte Bilbon, 31 urteko emakumearen hilketa matxista gaitzesteko.
Bizkaiko hiriburuko udaletxearen aurrean elkarretaratzea egin dute biktimaren senideek eta lagunek, baita Emakume Migratu Feministak elkarteak ere, 17:00etan, samina eta gaitzespena adierazteko.
Bi ordu geroago, 19:00etan, mugimendu feministak beste elkarretaratze bat deitu dute Santutxu auzoan. "Eraso sexistarik ez, autodefentsa feminista" lelopean, Santutxuko Egunkaria plazan elkartuko dira, Karmelo plazako eskaileratan.
Bilbon ez ezik, Donostian, Gasteizen, Iruñean eta Urruñan (Lapurdi) ere egingo dituzte gaitzespen bilkurak. Ipar Euskal Herrian, 19:00etan dute hitzordua herritarrek, herriko etxearen parean. 19:30ean, Gasteizko Andre Maria Zuriaren plazan egingo dute bilkura, eta 20:00etan, Iruñeko udaletxe plazan. Donostiako bilkura 18:00etan izango da, Plazaundin (Egia auzoa).
Ostegunean, gauerdiaren ostean, 34 urteko gizon batek bikotekidea hil zuen, labanaz, euren etxebizitzan. Ertzaintzak ustezko hiltzailea atxilotu, eta ospitalera eraman zuen. Atxilotuak ospitalean jarraitzen du.
EITBk jakin duenez, biktimak telefonoz deitu zion amari, gizona bere onetik aterata zegoela ohartarazteko, eta bizilagunek larrialdi zerbitzuetara deitu zuten, zaratak eta oihuak entzun zituztelako.
Bingen Zupiria Eusko Jaurlaritzako Segurtasun sailburuak jakinarazi du ezein polizia erregistrotan ez zegoela gizonaren kontrako salaketa edo "mehatxu zantzurik", hilketa matxista gehienetan jazo ohi den bezala. 2023an, biktimen % 26,7k baino ez zuten salaketa jarri bikotekidearen kontra.
Erakunde guztien aho bakarreko gaitzespena
Atzo, Bilboko Udalak deituta, talde politiko guztietako ordezkariak eta erakundeak bildu ziren. Alkateak iragarri zuenez, Udalak auzian akusazio partikular gisa jardungo du.
Bestade, Imanol Pradales lehendakariaren esanetan, "gizarte gisa, behartuta gaude indarkeria matxistaren kontra lan egitera, ezein emakumek ez dezan bere bizia arriskuan ikusi".
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.