Hil egin da Bilbon gurasoak sastatu ostean balkoitik jauzi egin zuen gizonezkoa
Hil egin da atzo Bilboko San Adrian auzoan gurasoak sastatuta larri zauritu zituen gizonezkoa, Eusko Jaurlaritzaren Segurtasun Sailak jakitera eman duenez.
Gizonak San Adrian auzoko etxebizitza batean labankatu zituen gurasoak. Aurretik, Loiuko aireportuko aparkalekuko laugarren solairutik behera erori zen autoarekin.
Erasotzailearen gurasoak anbulantzian eraman zituzten ospitalera, larri, baina ez omen daude hiltzeko arriskuan.
Ertzaintza, Udaltzaingoa eta suhiltzaileak bertaratu ziren San Adrian auzoan, erasotzailea bere etxebizitzan gotortu baitzen, eta balkoitik salto egingo zuela mehatxu egin. Azkenean, 18:00ak aldera, mehatxua bete eta jauzi egin zuen, baina larrialdi zerbitzuek jarritako koltxonetan erori zen. Gizona anbulantzian eraman zuten, itxuraz, osasun egoera onean.
Gizona atxilotu egin zuten, giza hilketa saiakera egotzita.
Aurretik, aireportuko aparkalekuko laugarren solairutik behera erori zen autoan, eta bere kabuz atera zen iraulita geratu zen ibilgailutik.
Azkenean, atzo Bilbon eta inguruetan izua zabaldu zuen gizona goizaldean hil da, Basurtuko ospitalean, Ertzaintzaren zaintzapean zegoela.
Zure interesekoa izan daiteke
Perez Iglesias: "Jaurlaritzak ez du zalantzan jartzen zuzentzaileen zintzotasuna eta profesionaltasuna"
Zientzia, Unibertsitate eta Berrikuntza sailburuak esan du USaP azterketen "sistema garantista" izateak ez duela esan nahi "zenbait hobekuntza" egin ezin direnik.
Lesakako Zubigaineko dantza San Fermin eguna ospatzeko
Lesakako dantzariak Onin zubiko petrila igo dira ohiko Zubigaineko dantza egiteko. Dozenaka ikusleren aurrean, San Fermin eguna ospatu dute herrian.
1.500 ikasle gehiagok jaso ahal izango dute unibertsitate-beka datorren ikasturtean, Jaurlaritzak baldintzak malgutu ondotik
Besteak beste, zailtasunak izan arren orain arte errenta-muga gainditzen zuten familietako ikasleek jaso ahal izango dute beka. Gainera, desplazamendu-laguntzak jasotzeko ez da derrigorrezkoa izango ikasketak Euskal Autonomia Erkidegoan egitea, eta baldintza akademikoak ere malgutuko dira; zenbait kasutan 5eko nota nahikoa izango da laguntza jasotzeko.
Etxebizitza da arazo nagusia Bizkaiko herritarrentzat, baita enplegua eta segurtasunik eza ere
Bizkaiko ekonomiaren egoera nahiko ona dela uste dute % 45ek, baina 2027an dezente okerragoa izango dela uste dute % 27k. Arlo politikoari dagokionez, EAJ da begikotasun handiena pizten duen alderdia (% 38), eta haren atzetik daude EH Bildu (% 36) eta PSE-EE (% 14).
Iruñeak bere egun handia ospatu du gaur San Ferminen omenezko prozesioarekin
Zuriz eta gorriz jantzitako milaka iruindarrek Iruñeko kaleak bete dituzte astearte honetan, uztailak 7, jaietako egun handian, San Fermin alde zaharretik igarotzean santuaren omenezko prozesio tradizionalean babesteko. Aurten, tenperatura altuek eragindako alerten ondorioz, prozesioaren ibilbidea aldatu egin da.
Gipuzkoako Foru Aldundiak enplegu publikoko 281 plaza deitu ditu 18 hautaketa-prozesu berritan
Azterketak 2027ko urtarrilaren 11tik aurrera egingo dira, eta salbuespen bakarra egongo da: kanpainetan laguntzeko erdi-mailako teknikari lanpostuetarako azterketan, hain zuzen ere. Azterketa hori abenduaren 1etik aurrera deitu ahal izango da.
Bi pertsona atxilotu dituzte sexu-erasoak egitea egotzita sanferminetako lehen egunean
Agiri baten bidez, Iruñeko Udalak bi atxiloketak baieztatu ditu jaietako lehen 24 orduak igarota egin duen balantzean.
ELAk iragarri du sektore-hitzarmenetako 27 negoziaziotan euskara soilik erabiliko duela
Sindikatuak adierazi duenez, aztertutako ia 1.500 hitzarmenen artean, % 17k baino ez dituzte "hizkuntza eskubideak bermatzeko" neurriak jasotzen.
San Fermin egun handia gogotik ospatzen ari dira Iruñean
Sanferminetako egunik esanguratsuena bizi du Iruñeak: jaietako ekitaldirik jendetsuenak eta tradizionalenak biltzen ditu egitarauak. Lehenengo entzierroa, patroiaren omenezko prozesioa, su artifizialak eta kontzertuak dira San Fermin egun handiko hitzordu garrantzitsuenak.
Garbitzaileak buru-belarri aritu dira ibilbidea garbitzen sanferminetako lehen gauaren ondoren
Egunero, 253-317 pertsonak osatzen dute garbiketa, brigadetan banatuta, eta 80 edukiontzi gorri, 800 eta 1.000 litro artekoak, eta 120 litroko 800 paperontzi ere jarri dituzte.