Perez Iglesias sailburuak ikerlarientzat Ikasketa Aurreratuen Zentroa sortzea proposatu du
Juan Ignacio Perez Iglesias Eusko Jaurlaritzako Zientzia, Unibertsitate eta Berrikuntza sailburuak ikerlariei —EAEkoak zein nazioartekoak— zuzendutako Ikasketa Aurreratuen Zentroa sortzea proposatu du.
Sailburua Eusko Legebiltzarrean izan da gaur, astelehenarekin, Zientzia Batzordean bere departamentuak 2024-2028 aldian izango dituen gidalerroak azaltzeko.
Azaldu duenez, Ikasketa Aurreratuen Zentroak hiru helburu izango ditu. Batetik, euskal ikerketa-jardueraren nazioarteko aintzatespena erraztea. Bestetik, EAEko ikasleei "maila goreneko prestakuntza modu onean" ematea, eta azkenik, beste herrialde batzuetako ikasleak erakartzea, beren diziplinen abangoardian dauden ikertzaileen helmuga akademikoa izateko.
Sailburuak esan du unibertsitate euskaldun bat duela xede, "gizartetik eta enpresa ehunetik gertu egongo dena, mundura irekita egongo dena eta, batez ere, bere diziplinen abangoardian dauden profesionalen eskutik prestakuntzarik onena eskaintzeko gai izango dena". Lehenaren harira, euskarazko ikasketen eskaintza handituko duela iragarri du, baita online ikasketena ere.
2026-2030 Unibertsitate Planari dagokionez, Sailak inbertsio publiko-pribatu handiagoa aurreikusiko du, eta beketara diru gehiago (% 6ko urteko igoera) bideratuko duela iragarri du. Perez Iglesiasen arabera, nazioarteko mugikortasuneko bekak indartuko dituzte, eta ikertzen hasteko laguntza bereziak ezarriko dituzte (doktoratu aurreko eta doktoratu ondoko programetako inbertsioak % 6 haziko dira).
Halaber, unibertsitateko eragile guztiekin akordio zabal bat lortzeko deia egin du, "Unibertsitate-prestakuntzaren eta ikerketaren aldeko Ituna" izenpetzeko. Azaldu duenez, itunak talentu handiko pertsonak prestatu eta ezagutza aurreratua sortuko duen sistema baten oinarriak eta araudiak ezarriko ditu. Horretarako, Euskal Unibertsitateari buruzko Legea sartuko du legegintza-egutegian.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.