Baldintzapeko askatasunean da Paco Larrañaga, Filipinetan heriotz zigorra ezarritako euskal jatorriko presoa
Auzitegi Nazionalak (AN) baldintzapeko askatasuna eman dio Paco Larrañagari, Filipinetan bi emakume bahitu, bortxatu eta hiltzeagatik heriotza zigorra ezarri zioten euskal jatorriko presoari. 2009an eraman zuten Estatura Larrañaga, Filipinek heriotza zigorra indargabetu eta Espainiarekin presoak lekualdatzeko hitzarmen bat sinatu ostean.
Marijoy eta Jacqueline Chiang ahizpak 1997an bahitu, bortxatu eta erail zituzten Filipinetako Cebu hirian. Paco Larrañaga beste bost gazterekin batera epaitu zuten krimen horiekin lotuta. Hasiera batean, biziarteko espetxe zigorra ezarri zioten, baina 2004an heriotza zigorra jarri zion Filipinetako Auzitegi Nagusiak.
Manuel Larrañaga pilotari ohiaren semeak hilketak gertatu zirenean bera Manilan zegoela, ez Cebun, adierazi zuen. Horrez gainera, bere buruaren defentsan lekukotasunik ematen ez ziotela utzi ere salatu zuen.
Heriotza zigorra 2006an indargabetu zuten Filipinetan. Handik urte batera herrialde horrek eta Espainiak presoak lekualdatzeko hitzarmena sinatu zuten. Horren ondorioz, Manilako kartzela utzi eta Estatura eraman zuten Larrañaga 2009an. Une horretan zigorra aldatu zion Auzitegi Nazionalak 40 urteko espetxealdia ezarri, Espainian biziarteko kartzela zigorrik ez dagoelako. Larrañagak dagoeneko bete du bere zigorraren erdia baino gehiago.
Azken urteetan Donostiako Martuteneko espetxean bete du zigorra Larrañagak. 2034ko irailaren 28an lortuko du askatasuna, baina 2016tik hirugarren graduan egon da. Epaitegiko Espetxe Zaintzarako epaile Jose Luis Castrok Fiskaltzarekin batera adostu du baldintzapeko askatasuna, jokabide onagatik eta gizarteratzeko ikusten dizkion aukerengatik.
Zure interesekoa izan daiteke
Igandeko 04:00ak 06:00ak bitartean iritsiko da MV Hondius ontzia Kanarietara
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, alegia, tripulazioaren parte batekin geratuko dira ontzi barruan.
ELA, LAB eta Steilas kalera aterako dira gaur Bilbon euskararen alde
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.