Hego Euskal Herriko 80.000 langile baino gehiago bizi dira pobrezia egoeran
"Ozta-ozta iristen gara hilabete amaierara, maileguak edota kredituak eskatuz, eta agonia luzatzen dugu. Nire soldatarekin lau lagunok jaten dugu. Emazteak urteak daramatza langabezian. Egunean, egunekoa. Gauza askori uko egin behar izan diegu, lagunekin irteteari, adibidez..." 54 urteko langile baten lekukotza da, eta langileen pobrezia zer den erakusten du. Lan-kontratua izan arren, jasotzen duten soldatarekin ezin oinarrizko gastuei aurre egin. Horixe da, izan, langileen pobrezia, eta egoera horretan bizi dira 80.000 herritar baino gehiago Hego Euskal Herrian —61.069 EAEn eta 19.227 Nafarroan, Estatistika Institutu Nazionalaren arabera—. Pertsona migratzaileak, etxeko langileak eta familia ugariak eta guraso bakarrekoak dira kaltetuenak.
'Langileen pobrezia: lan egitea hilabete amaierara iristeko nahikoa ez denean' goiburupean, Oxfam Intermon erakundeak kaleratu berri duen ikerketak utzi ditu datuok. Bertan nabarmentzen denez, Nafarroa da langileen pobrezia tasa (% 6,3) baxuena duen erkidegoa Espainiako Estatuan, eta EAE du atzetik (% 6,6). Orotara, ia hiru milioi langile bizi dira txirotasun egoeran Estatuan (% 1,7).
Txostenak dio nekazaritzan eta etxeko lanetan aritzen diren herritarrak direla pobrezia mota hori gehien pairatzen dutenak; sektore horietako hamar langileetatik hiru bizi dira txirotasun egoeran, enplegua izan arren. Atzetik, ostalaritzako eta eraikuntzako beharginak daude; hamarretik bik lan-pobrezia bizi dute. Halaber, familia ugarien % 40 eta guraso bakarreko familien % 30 bizi dira egoera horretan.
Batik bat, etxebizitzaren eta oinarrizko zerbitzuen garestitzea dira arazoaren eragile. Pobreziaren atalasearen azpitik bizi diren familiek diru-sarreren % 67-% 79 artean bideratzen dute etxebizitza eta oinarrizko gastuak ordaintzera. Egoera horrek berekin dakar, azterlanaren arabera, oinarrizko osasun-zerbitzuei uko egin behar izatea. Txirotasun egoeran dauden familien erdiek baino gehiagok ezin izan dute dentista, oftamologo edota psikologoarenera joan, osasun-egoerak hala eskatzen bazien ere.
Ikerketaren beste ondorioetako bat da, azken urteotan enplegua sortu bai, baina kalitate baxukoa sortu dela. Lan baldintza duinik gabe pobrezia egoerari aurre egitea ezinezkoa dela dio Oxfamek txostenean. Halaber, baliabide ekonomikoen faltan, txirotasun egoeran bizi diren % 54 ikasketak uztera behartuta ere egon dira, bizirauteko.
Andaluzia (% 19,4) da langileen pobrezia tasa altuena duen erkidegoa Estatuan, eta sailkapenean ondoren daude Extremadura (% 17,2), Ceuta (%16,4), Gaztela Mantxa (% 15,4), Murtzia (% 14,3), Kanariak (%13,8) eta Valentzia (% 13,8).
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.