EAEko etxe arruntaren ezaugarriak: 40 urte baino gehiagokoa eta 85 metro koadrotik gorakoa
Euskal Autonomia Erkidegoko etxebizitza arrunt batek 40 urte eta 85 metro koadro baino gehiago ditu, Araba, Gipuzkoa eta Bizkaiko etxebizitza-parkearen azterketak dakartzan datuen arabera.
Erkidegoko parketa milioi bat etxebizitza baino gehiagokoa zen 2023an. Gehienak Bizkaian daude (560.000), ondoren Gipuzkoa dator (351.000) eta etxe gutxien Araban daude (169.000).
Parkea % 5,2 hazi da azken hamarkadan (2013-2023) eta, guztira, ia 54 milioi etxebizitza eraiki dira. Parke osoaren % 80 etxebizitza nagusiei dagokie. Gainerakoak, bigarren etxebizitzak dira, itxita, salgai edo alokatzeko daude.
Nolako etxebizitzak ditugu EAEn?
Etxebizitzen antzinatasuna da ezaugarri nagusia: 40 urteko etxeak dira, batez beste. Etxebizitzarik zaharrenak Araban daude; hain zuzen ere, Añanako bailara eta Arabako Errioxa dira antzinatasun handienekoak, 65,9 eta 60,8 urte, hurrenez hurren. Bizkaian, Enkarterrietan, Gernika-Bermeon eta Lea-Artibain daude etxe zaharrenak; Gipuzkoan, berriz, Debabarrenan, Donostialdean eta Tolosaldean. Kasu horietan guztietan, batez bestekoa 50 urtetik gorakoa da.
Parkerik berriena, ostera, Plentzia-Mungian (41,5 urte) eta Urola Kostan (44,2 urte) dago.
Herriei banaka begiratuta, etxerik zaharrenak Guardian daude, (96,7 urte) eta, berrienak, aldiz, Ziortza-Bolibarren (23,7 urte).
Azalerari dagokionean, EAEko etxeak, batez beste,85-90 metro koadrokoak (m2) dira, nahiz eta landa ingurunetik hiri ingurunera aldeak nabarmenak diren.
Landa guneetan dauden eskualdeetan bataz bestekoa igo egiten da, nagusiki etxe isolatuak izan ohi direlako. Hala, hainbat eskualde dira 100 m2-ko azalera gainditzen dutenak, hala nola Añana, Arabako Mendialdea, Arabako Errioxa, Gorbeialdea, Arratia-Nerbioi, Gernika-Bermeo eta Plentzia-Mungia.
Gipuzkoan, ordea, datuak baxuagoak dira eskualde guztietan. Etxe handienak dituztenak Tolosaldean eta Urola Kostan daude baina 100 m2-ra iritsi gabe. Gipuzkoan bertan, deigarria da Bidania-Goiatzen kasua, EAEko etxe handienak bertan baitaude (203,3 m2).
Igogailua izatea ere garrantzitsua izan ohi da etxebizitza baten balioa areagotzeko. Gipuzkoan eta Bizkaian daude igogailuak dituzten etxebizitza gehien. Landa eremuko eskualdeetan azpiegitura horren presentzia txikiagoa izan ohi da, orobat, etxebizitza asko isolatuak direlako.
Hiri-inguruneei begiratuta, Arabako Lautadan, etxebizitzen % 85ek dute igogailua; Bilbo Handian eta Donostialdean, % 76,4k eta % 77,9k, hurrenez hurren.
Igogailuen kasuan bezalaxe, eskualde landatarretan etxebizitzak dentsitate baxuagokoak dira, eta, hiriguneetan, bloke handiagoak. Deigarriak dira Bakio, Eibar eta Ermua, batez beste, 20 etxebizitzatik gorako eraikinak dituzten udalerriak baitira.
Albiste gehiago gizartea
Aurkikuntza arkeologiko oso garrantzitsua Iruñean: Barbazanako dorrearen barruan dagoen Kanonigoen atea
Iruñean, arkeologia aurkikuntza berria bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Bertara bisita gidatua egiteko aukera du nahi duenak.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.