Iglesiasek, Errejoni indarkeria matxista leporatu diotela eta: "Duela urtebete hitz egiten zen honi buruz"
Pablo Iglesias Podemoseko idazkari nagusi ohia ez da harritu hainbat emakumek Iñigo Errejoni indarkeria matxista leporatu diotela eta; izan ere, "duela urtebete hitz egiten zen honi buruz".
Auzia lehertu den egun berean TVEn izan da Iglesias. Politologoaren hitzetan, sare sozialetan eta Madrilgo kazetarien artean bolo-bolo ibili zen "Castellon Errejonen partetik sexu erasoa jasan zuen neska baten kasua". Dena dela, deitoratu duenez, "biktima askok ez zuten salatzeko espazio segururik topatu".
Ildo horretan, Cristina Fallaras kazetariaren ausardia goraipatu du, "herri honetan salatzeko oso zailak ziren gauzak salatzeko emakumeentzako espazio seguru bat irekitzeagatik".
"Ez dut iritzi pertsonal eta politiko onik Errejoni buruz, eta bost urte baino gehiago dira ez dudala berarekin hitz egiten, baina laguna izan nuen eta ez naiz poztu izan duen zorigaiztoko amaiera honekin", aitortu du.
Pedro Sanchez Espainiako Gobernuko presidentearen kontrako hitzak ere izan ditu Iglesiasek. Horren ustez, "gehiago gogoratu da Sumar bazkidearekin biktimekin baino".
"Berdintasun Ministerioa ulertzen ez zuten berrogeitaka urte dituzten lagunei gutxiago entzun beharko lieke. Izan ere, ministerio hark bultzatutako "Bai bakarrik da bai" legeari esker, gaur egun edozein emakume izan daiteke biktima, epai baten beharrik gabe", erantsi du.
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.