Instagramek Cristina Fallarasen kontua ireki du, Errejonen aurkako salaketak argitaratzeagatik itxi ostean
Cristina Fallaras kazetariaren Instagrameko kontua berriz ireki dute, hiru orduz itxita egon ostean. Sare sozialaren azken erabakia kontua itxi ostean jasotako salaketa kopuru handiaren ostean etorri da.
Cristina Fallarasek larunbat honetan salatu duenez, Instagram sare sozialak bere kontua itxi du Iñigo Errejon Sumarreko bozeramaile ohiaren aurkako indarkeria matxistagatik lehen akusazio anonimoa argitaratu eta egun gutxira.
Kazetariak pantaila-irudi bat argitaratu du, eta Instagramek jakinarazi dio bere kontua "bertan behera utzi" duela, "kontuak edo bertako jarduerak ez dituelako sarearen arauak betetzen".
Publico egunkariaren TikTokeko argitalpen batean, Fallarasek esan du dagoeneko "milaka eta milaka" salaketa gehiago jaso dituela, Errejonen eta beste alderdi batzuetako politikarien aurka.
"Instagrameko nire kontuan hilabeteak daramatzat, milaka ordu, jasaten ditugun sexu-indarkeriak kontatzen dituzten emakumeen testigantzak jartzen, haiek niri bidalitakoak. Milaka eta milaka testigantza zeuden", deitoratu du Fallarasek, eta kontuaren itxiera "zentsura" izan dela esan du.
Kazetariaren arabera, "Instagram eta Metaren erasoa da, emakumeek jasaten ditugun sexu-erasoak agerian uzteko egiten duten borroka horren aurka".
"Iruditzen zait adierazpiderik gabe uzten gaituztela, kontatzeko bide guztiak ixten dizkigutela, beste eduki batzuek ez diotela enbarazurik egiten, baina gure bizitzek bai", adierazi du.
Aurretik ere itxi du inoiz Instagramek Fallarasen kontua, martxoaren 1ean antzeko zerbait gertatu baitzitzaion.
Zure interesekoa izan daiteke
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta denboralearen etorrerak okerrera eraman dezake egoera.
Independentismoak 8.000-30.000 pertsona bildu ditu Rodalies tren zerbitzuaren egoera salatzeko lehen manifestazioan
Junts, ERC eta CUP alderdiek Paneque kontseilariaren eta Puente ministroaren dimisioa edo kargugabetzea eskatu dute. Arratsaldean beste manifestazio bat egongo da, garraio publikoen erabiltzaileek deituta.
Marta ekaitzak alertapean jarri du Estatuko hego-mendebaldea, euriteak, elurra, haizea eta olatuak tarteko
Leonardo depresioaren kolpea jaso ostean, Andaluzian eta Extremaduran euria gogotik egiten jarraituko du. Gaztela eta Leon eta Galizia ere alertapean izango dira, zaparradengatik, elurragatik eta kostaldeko arriskuagatik. Era berean, Madrilen eta Gaztela-Mantxan hainbat ibaik gainezka egin dezaketela eta, alerta ezarri dute. Asturiasen, azkenik, San Juan de la Arena herriko kai-muturrean desagertutako emakume baten bila ari dira.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.
Bilbo Handiko errepideak kolapsatuta egon dira, hiru autok eta kamioi batek talka egin ostean
Txorrierriko igarobidean gertatutako istripuaren ondorioz, bi errei itxi dituzte Donostiarako noranzkoan, eta ilarak BI-10 errepideraino iritsi dira.
Indarkeria zantzuak dituen gizon baten gorpua aurkitu dute Ganguren gainaren inguruan
Ertzaintzaren lehen ikerketei esker jakin dutenez, Barakaldoko 60 urteko gizon bat da, eta asteazkenetik zegoen desagertuta.
Denis Itxasok 200 zuzkidura-bizitoki iragarri ditu Loiolako Erriberetarako, alkateak 400 iragarri ostean
Etxebizitza eta Hiri Agendako sailburuak "lanerako hipotesi gisa" planteatu ditu zenbaki horiek. Jon Insausti Donostiako alkateak bezperan adierazi zuten eraiki beharreko pisuak halako bi izango zirela.
Gizon bat atxilotu dute Madrilen, alaba adingabeari sexu erasoak egin eta sarean zuzenean emateagatik
Atxilotuak material pornografikoa eskaintzen zuen aplikazio batean, txanpon birtualen truke. Epailearen aurretik igaro ondoren, baldintzarik gabe espetxeratzeko agindu zuen, haur pornografia eta sexu erasoak leporatuta.