Albiste izango dira: Greba errepideko bidaiarien garraioan, Urriko Azken Astelehena Gernikan eta Errejon auzia
Honako gai hauek hartuko dituzte gaur, 2024ko urriaren 28an, hedabideetako lerroburu nagusiak:
- Greba errepideko bidaiarien garraioan: CCOO eta UGT sindikatuek deituta, greba eguna dute gaur errepideko bidaiarien garraioan (autobusak eta garabiak). Bidaiariak daramatzaten gidariei soilik eragingo die lanuzteak, merkantzietakoek eta osasun sektorekoek akordioak erdietsi baitituzte. Guztira, 10.000 autobus gidari daude grebara deituta Euskal Autonomia Erkidegoan, eta 1.000tik gora Nafarroan, eskola garraioan dabiltzanak tartean. Erretiroko adina aurreratzea dute aldarrikapen nagusi.
- Urriko Azken Astelehena: Urtero urriko azken astelehenean gertatzen den legez, festa eguna izango da Gernikan. Euskal Herriko merkatu garrantzitsuenetakoa egingo dute bertan: Urriko Azken Asteleheneko Azoka. 241 nekazaritza eta artisautza postu izango ditu aurten. Artisautzako produktuak saltzeko 54 postu jarriko dituzte, eta gainerakoetan baratzeko produktuak salduko dituzte. Azken horien artean, gazta saltzen dutenak izango dira ugarienak (36), ogia saltzeko 20 izango dira, eta beste hainbestetan salduko dute euskal pastela. Eztia, txakolina, barazkiak, kontserbak, makineria, patea, erroskilak, sagardoa eta landareak ere izango dira.
- Errejon auzia: Sumarren talde parlamentarioa Kongresuan bilduko da, Yolanda Diaz Espainiako Gobernuko presidenteordea buru duela, Iñigo Errejon bozeramaile ohiaren aurka jarri dituzten sexu eraso eta jazarpen salaketek piztutako krisian murgilduta. Bileran Kongresuko bozeramaile berria ere aukeratu beharko dute. Larunbatean Sumarrek barkamena eskatu zuen, alderdiko protokoloek huts egin zutela onartuta. Hala ere, oraingoz Sumarreko buruzagi den Yolanda Diazek ez du gaiaz hitz egin. Atzo, Pedro Sanchezek Sumarrek Errejon auziari emandako erantzuna defendatu zuen.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.