Indarkeria matxista ukatzen duten mezuen aurrean, herritarrei batzeko deia
2023an 6.513 salaketa erregistratu ziren Araban, Bizkaian eta Gipuzkoan, emakumeen aurkako indarkeriagatik. Halere, indarkeria mota hori ukatzen duten mezuak geroz eta gehiago ari dira zabaltzen gizartean, bereziki, nerabeen artean. Gaiaren larritasunaren aurrean, EAEko erakunde nagusiek bereziki gazteei zuzendutako kanpaina prestatu dute Emakumeen Aurkako Indarkeria Desagerrarazteko Nazioarteko Egunerako (azaroak 25), eta indarkeria matxistaren ukazioa eraman dute lelora: "Indarkeria matxista ukatzea haren alde egitea da. Batu gaitezen geldiarazteko".
Goizean egin dute kanpainaren aurkezpen ekitaldia Lehendakaritzan, dozenaka gazterekin egindako gogoeta saio batean. Han izan dira, besteak beste, Emakundeko, Arabako, Bizkaiko eta Gipuzkoako foru aldundietako eta EUDELeko ordezkariak, Imanol Pradadales lehendakaria buru zela.
Kanpainaren iragarkia aurkeztu ondoren, Pradales gazteei zuzendu zaie. Eusko Jaurlaritzaren lehentasuna "indarkeria matxistarik gabeko gizarte bat eraikitzea" dela esan ondoren, "erne" egoteko ere eskatu die, "ultraeskuinak Europan eta munduan aurrera egin duelako eta indarkeria matxista ukatzen duten diskurtsoak eta berdintasunaren aurkako erreakzioa sortzen ari direlako".
Bere aldetik, Miren Elgarresta Emakundeko zuzendariak gazteek berdintasunaren aldeko eraldaketa sozialean duten protagonismoa azpimarratu du: "Badakigu gazte gehienek emakumeen eta gizonen berdintasunean sinesten duzuela eta indarkeria matxistarik gabeko bizitzaren alde zaudetela eta, horregatik, hain zuzen ere, uste dugu garrantzitsua dela mezu horiek nondik datozen jakitea eta baliabideak izatea zuengan eta gugan eraginik izan ez dezaten", adierazi die.
Kanpainaren iragarkiak sareetan aurki daitezkeen indarkeria ukatzen duten esaldi batzuk erakusten ditu: "Emakumeen aurkako indarkeria asmakizun hutsa da", "Indarkeriak ez du generorik" edo "Beste herrialde batzuetan matxismoa dago, hemen ez".
Gaurtik azaroaren 25era bitartean zabalduko da kanpaina hedabideetan, sare sozialetan eta bestelako iragarki euskarrietan.
Zure interesekoa izan daiteke
Bi ibilgailuk talka egin dute GI-2634 errepidean, Azkarate gainean, Azkoitirako noranzkoan
Anbulantziak, suhiltzaileak eta Osakidetzako helikoptero bat bertaratu dira zaurituak artatzeko. Auto-ilara luzeak sortu dira inguruan.
Hiru adingabe atxilotu dituzte Gasteizen, bi gazteri eraso eta irain homofoboak egiteagatik
Biktimek agenteei jakinarazi diete hiru mutil hurbildu zaizkiela, lurrera bota dituztela eta hainbat ukabilkada eta ostikada eman dizkietela. Homosexualak izateagatik iraindu ere egin dituzte.
Feministek kaleak hartu dituzte "beste mundu bat" posible dela aldarrikatzeko
Manifestazio jendetsuak egin dituzte Euskal Herriko hiriburu eta herrietan. Mugimendu feministak "borroka eta antolakuntza" aldarrikatu ditu "eskuin-muturraren pilatze eta beldurraren ereduaren aurrean", eta abolizionisten "jarrera transfoboak" gaitzetsi ditu.
Martxa jendetsuak Euskal Herrian mugimendu feministaren alde
Milaka pertsona atera dira gaur, martxoak 8, Euskal Herriko hainbat hiri eta herritan kalera, mugimendu feministari babesa adierazteko. Martxa jendetsuak eta aldarrikapenez beteak izan dira, eta kaleak protesta kolektiborako agertoki bihurtu dira. Berdintasunaren aldeko aldarriak entzun dira, baita indarkeria matxistaren aurkakoak eta emakumeen eskubideen aldekoak ere.
Itaiak premiazkotzat jo du ultraeskuinaren mezu matxistei aurre egitea
Itaia Emakumeon Antolakunde Sozialistak Euskal Herriko 6 hiriburutan deitu ditu bilkurak. 'Emakume langileok askatzeko, sozialismoa eraiki' lelopean, salatu dute ideologia faxista indartzen ari dela ultraeskuinaren eta influencer misoginoen eskutik, eta, ondorioz, ideiak eta jarrera matxistak normalizatzen ari direla gizartean. Horri aurre egiteko premia dagoela gaineratu dute.
Nafarroako Gobernuak eta Parlamentuak gizonen eta emakumeen arteko berdintasuna eskatu dute
Nafarroako Gobernuko eta Nafarroako Parlamentuko ordezkariek elkarretaratzea egin dute Emakumeen Nazioarteko Egunean. Desberdintasunen aurka borrokatu eta "estereotipoei" aurre egiteko konpromisoa adierazi dute bertan.
Epaileak udaltzainak eta 112ko langileak deitu ditu deklaratzera Santanderko pasabideko ezbeharragatik
Martxoaren 27an hartuko die deklarazioa, eta pasabide hori barne hartzen duen ibilbideari buruzko dokumentazioa eskatu die Udalari eta Kosten Agintaritzari.
Astelehen honetan hasiko da Ekain Perrinori egin zioten eraso homofoboaren epaiketa
2021ean parke batean egindako erasoan, gaztea konorterik gabe utzi arte jipoitu zuten, iraintzen zuten bitartean.
Hainbat lagunek botilak jaurti dizkiete ertzainei Athletic-Bartzelona partidaren ostean
Istiluak 23:00ak aldera jazo ziren, San Mames estadioaren inguruan. Ez zen inor zauritu. Ertzaintzak ez du oraingoz atxiloketarik egin.
Berdintasunari merezi duen espazioa emateko deia egin du Jaurlaritzak
Eusko Jaurlaritzak adierazpena egin du Emakumeen Nazioarteko Eguna dela eta. "Eman tokia berdintasunari" kanpainarekin aldarrikatu du berdintasunean aurrera egiteak berarekin dakarrela aurrera egitea eskubideetan, askatasunean, ongizatean, errespetuan eta pertsona guztientzako aukera-berdintasunean.