Mugimendu Feministak mobilizazioak deitu ditu A25erako, "Ez bazara konponbidea, arazoa zara" lelopean
Azaroaren 25ean, Emakumeen aurkako indarkeria desagerrarazteko Nazioarteko Eguna, Euskal Herriko Mugimendu Feministak manifestazioak deitu ditu hiriburu guztietan eta herrietan.
"Ez bazara konponbidea, arazoa zara" lelopean, mobilizazio nagusiak Gasteizko San Anton plazatik (19:00), Bilboko Jesusen Bihotzetik (19:00), Iruñeko Gazteluko plazatik (20:00), Donostiako Boulevardetik (19:00) eta Baionako Herriko Etxearen aurren (18:30) abiatuko dira.
Gaur egindako agerraldian, mugimendu feministaren bozeramaileek 2024an Euskal Herrian eraildako bost emakumeak gogora ekarri dituzte.
"Egunerokoan erabat normalizatuta ditugu erasoak, bortxaketak, beldurra, erailketak…", salatu dute. Erantsi dutenez, "sistema heteropatriarkal, kapitalista eta kolonial honek forma berriak hartzen ditu, bizirauten jarraitzeko".
"Sexu indarkeriaren gorakada kezkagarria, indarkeria ekonomikoa, mugak eta irregularizazio egoerak, gorroto diskurtsoen gorakada, estigma soziala, komunikabideetan egiten den indarkeria matxista kasuen trataera bortitza, zaintzen banaketa desorekatua, sare sozialetako misoginia eta jazarpen anonimoa ez dira kasu isolatuak eta emakumeen osasun fisiko eta psikologikoan ondorio larriak dituen egiturazko indarkeria baten parte dira", azpimarratu dute.
Bozeramaileen hitzetan, "indarkeria ugari dira, baina, erroa, bakarra". "Ez gatoz ezer berria esatera, urteak daramatzagu kontu berdinak aldarrikatzen, eta, zoritxarrez, aldaketak oso motel datoz", deitoratu du mugimenduak. "Ardurak hartzeko unea da", aldarrikatu dute.
"Arazoa zarete eraso bat jasaten dugunean gure hitza zalantza jartzen duzuenak; arazoa zarete lagunartean txiste eta komentarioak mozten ez dituzuenean; arazoa zarete erasoren bat jasan dugunean, justifikatzen eta errua guregan jartzen duzuenean; arazoa zarete erasoa seinalatu bai, baina zuen joerak zuzentzen ez dituzuenean; arazoa zarete feministok urteetan zehar salatzen gabiltzan indarkeriaren aurrean erantzukizunik hartzen ez duzuenean", aurpegiratu dute.
"Gizon gehienek konplizitatea, justifikazioa eta indarkeria matxista desagerrarazteko eta salatzeko konpromiso falta izaten jarraitzen duzue; zuentzako mezua zuzena da: konponbidea ez bazarete, arazoa zarete", nabarmendu dute.
Komunikabideek ere indarkeriaren erreprodukzioan funtsezko egitekoa dutela azaldu dute agerraldian, "errua biktimarengan jarriz, tertulietan zilegitasun osoarekin iritzia emanez eta kasu bakoitzean xehetasun morbosoak azaleratzen".
Azkenik, "sare sozialak ere egun babes izan daitezkeen arren, mezu faltsuak modu azkarrean zabaltzeko, iraintzeko, gorputzen gaineko kontrolerako bide ere badira", ohartarazi dute. Indarkeria forma berriak ari da hartzen espazio birtualean eta gune horietan ere autodefentsarako tresnak birpentsatu beharko dituztela gaineratu dute.
Albiste gehiago gizartea
Aurkikuntza arkeologiko oso garrantzitsua Iruñean: Barbazanako dorrearen barruan dagoen Kanonigoen atea
Iruñean, arkeologia aurkikuntza berria bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Bertara bisita gidatua egiteko aukera du nahi duenak.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.